У дэльце Дуная на поўдні Румыніі імкліва распаўсюджваюцца японскія прэснаводныя крэветкі. Гэты від трапіў у мясцовыя вадаёмы з рыбных гаспадарак і за апошнія пяць гадоў значна павялічыў сваю колькасць. Цяпер крэветкі ўжо выцясняюць ракаў, а біёлагі не выключаюць, што яны могуць паўплываць і на папуляцыі шчупака, судака ды акуня, піша выданне Observator.
Крэветкі паходзяць з Азіі. Паводле адной з версій, яны спачатку трапілі ў рыбныя гаспадаркі на Дняпры, а адтуль праз дэльту распаўсюдзіліся ў Дунай і звязаныя з ім азёры. Асабліва хутка яны размнажаюцца ў гарачае надвор’е.
Рыбакі адзначаюць, што ў некаторых месцах берагі літаральна перапоўненыя крэветкамі. Пры гэтым ракаў стала значна менш: калі вада цёплая, пераважаюць крэветкі, а пасля пахаладання яны знікаюць і зноў з’яўляюцца ракі.
Навукоўцы пакуль вывучаюць уплыў новага віду на мясцовую экасістэму. Ёсць асцярогі, што крэветкі могуць есці ікру мясцовых рыб і канкураваць з іншымі відамі за ежу. Таму іх ужо разглядаюць як патэнцыйна інвазійны від.
Тым часам прэснаводныя крэветкі становяцца папулярнымі і ў мясцовых рэстаранах. У сяле Сарыкёй страву з іх можна набыць прыкладна за 4,4 даляра за 100 грамаў. Мясцовыя ўлады спадзяюцца, што крэветкі ўдасца выкарыстоўваць як новую гастранамічную асаблівасць рэгіёна, не дапускаючы сур’ёзнай шкоды для іншых відаў.
Эль-Ніньё пакідае свет без хамсы. Чаму ж тады даражэйшымі могуць стаць ласось і крэветкі?
Беларус вывеў на сваёй экаферме аўстралійскіх ракаў
На першай у Беларусі крэветкавай ферме будуць разводзіць аўстралійскіх ракаў
Мільёны малюскаў з Прычарнамор’я захапілі Жэнеўскае возера — гэта катастрофа для экасістэмы
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары