У Бабруйску п'яны пенсіянер падабраў ключы і скраў рэчы з камеры захоўвання ў гандлёвым цэнтры
У Бабруйску 73‑гадовы мясцовы жыхар пасля выпітай бутэлькі гарэлкі зайшоў у краму і звярнуў увагу на камеры захоўвання. Мужчына вырашыў праверыць, ці падыдуць ключы ад адкрытых ячэек да закрытых, і ў выніку адзін з ключоў падышоў.
Унутры мужчына знайшоў два пакеты. У адным былі кукуруза і кантэйнер з дурніцамі, а ў другім — новае школьнае адзенне для хлопчыка.
Пенсіянер забраў пакеты і выйшаў на вуліцу. Там ён перагледзеў здабычу і вырашыў пакінуць сабе толькі прадукты. Штаны, камізэльку і абутак для хлопчыка мужчына проста выкінуў.
Калі ўладальніца рэчаў пабачыла, што яе ячэйка пустая, яна звярнулася ў міліцыю. Пенсіянера хутка знайшлі і затрымалі.
Цяпер яму давядзецца кампенсаваць уладальніцы 180 рублёў шкоды, а таксама паўстаць перад судом па абвінавачанні ў крадзяжы.
Падобны выпадак нядаўна ўжо быў у Бабруйску: мужчына пакінуў у камеры захоўвання тры блокі цыгарэт, а іх забраў і выкурыў мясцовы жыхар. Прычынай таксама сталі аднолькавыя ключы ад розных ячэек.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары