На Балі швейцарскі турыст напляваў на мясцовыя традыцыі. Наступны год ён правядзе ў турме
Суд на інданезійскім востраве Балі прысудзіў 26‑гадовага грамадзяніна Швейцарыі Лузіяна Андрына Цграгенa да года пазбаўлення волі за абразлівыя публікацыі пра святое для мясцовых індуістаў свята — Дзень цішыні, вядомы як Ньепі, піша Associated Press.
Суд у Дэнпасары прызнаў мужчыну вінаватым у парушэнні новага Крымінальнага кодэкса Інданезіі. Па матэрыялах следства, турыст апублікаваў у сацыяльных сетках відэа і паведамленні пра тое, як ён парушаў абмежаванні падчас Ньепі, хоць супрацоўнікі вілы загадзя папярэдзілі яго пра правілы.
Падчас Ньепі жыхары і госці Балі павінны заставацца ў сваіх дамах або месцах пражывання, захоўваць цішыню і займацца медытацыяй. На гэты дзень закрываюцца вуліцы і пляжы, спыняе працу аэрапорт, а доступ да інтэрнэту абмяжоўваецца. Правілы дзейнічаюць для ўсіх незалежна ад рэлігіі і грамадзянства.
У сваіх публікацыях Цграген пахваліўся, што не прытрымліваўся забаронаў і хадзіў на пляж. На адным з відэа ён назваў мясцовую традыцыю «вар’яцкай» і выкарыстаў нецэнзурны выраз.
Публікацыі шырока разышліся ў сацыяльных сетках і выклікалі абурэнне мясцовых жыхароў. Пасля скаргаў паліцыя знайшла турыста на віле ў папулярным турыстычным раёне Легіян і затрымала яго.
Падчас суда, які пачаўся ў чэрвені, швейцарац заявіў, што не меў намеру абразіць індуісцкае свята або жыхароў Балі. Паводле яго слоў, ён быў галодны і расчараваны тым, што праз абмежаванні не мог набыць ежу, а таксама не да канца разумеў маштаб забаронаў. Мужчына папрасіў прабачэння і заявіў, што шкадуе пра свой учынак.
Суддзя адзначыў, што дзеянні абвінавачанага абразілі жыхароў Балі, закранулі іх рэлігійныя пачуцці і выклікалі грамадскае абурэнне.
Раней замежных і мясцовых турыстаў ужо затрымлівалі за выхад на вуліцу падчас Ньепі, але звычайна такія выпадкі не заканчваліся крымінальным пераследам.
Беларусы цяпер могуць ездзіць на Балі без візаў
Беларуса затрымалі на Балі з наркотыкамі: яму пагражае пажыццёвае зняволенне
На Балі выкралі і забілі сына ўкраінскага крымінальнага бізнэсмена. За яго жыццё патрабавалі $10 мільёнаў
На Балі турыстам забаранілі катацца на сланах
На Балі забаранілі пазашлюбны сэкс. За парушэнне — турэмныя тэрміны
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
Потом еще можно будет книжку о заключении написать и по различным токшоу ходить, денег заработать