На першай у Беларусі крэветкавай экаферме ў Ляхавіцкім раёне атрымалі ўласнае патомства аўстралійскіх ракаў. Пра гэта Office Life расказаў яе ўладальнік Уладзімір Гатоўчыц.
У сакавіку Уладзімір Гатоўчыц прывёз з Расіі больш за 1,5 тысячы малькоў і 15 дарослых асобін аўстралійскага рака. Гэта дазволіць павысіць прывабнасць экафермы для турыстаў і адпрацаваць працэс вырошчвання нетыповых для Беларусі відаў з разлікам на будучыню.
Мэта — разводзіць некалькі відаў ракападобных і адзін-два віды рыб, а таксама наладзіць выпуск уласнага корму, каб стварыць самадастатковую вытворчасць, якая не будзе залежаць ад пасадачнага матэрыялу і кармавой базы.
Для вывядзення аўстралійскіх ракаў павялічылі інкубатар, дзе цяпер утрымліваецца першы вывадак — каля 1 тысячы малькоў. Інкубацыйны перыяд працягваецца, і фермер найбліжэйшым часам чакае значнага павелічэння колькасці патомства.
Прадпрымальнік Уладзімір Гатоўчыц запусціў крэветкавую экаферму ў пачатку 2025 года ў Альхоўцах Ляхавіцкага раёна ў будынку былой школы. Для развядзення ён прывёз з Астраханскай вобласці крэветак Розенберга.
У жніўні мінулага года ён самастойна пачаў разводзіць беларускіх крэветак з ікры, атрыманай у мясцовых умовах. А ў кастрычніку мінулага года на экаферме пачалі праводзіць экскурсіі.
Пры выхадзе на поўную вытворчую магутнасць фермер разлічвае атрымліваць да 300 кілаграмаў жывых крэветак штомесяц.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары