У Мінску на продаж выставілі камерцыйны аб’ект на праспекце Незалежнасці, 89. Менавіта там раней знаходзіўся легендарны магазін «Прырода», які прадалі год таму, піша Office Life.
Зараз па гэтым адрасе працуе адзін з магазінаў сеткі ZooBazar, а таксама магазін ніжняй бялізны Serge.
Камерцыйны аб’ект плошчай каля 400 кв. метраў прадаюць за 127 тыс. рублёў (гэта прыкладна $45 тыс. па цяперашнім курсе). У аб’яве гаворыцца, што дзяржаўная арэнда памяшкання падоўжаная да 2029 года.
Разам з юрыдычнай асобай перадаецца дзейная бізнэс-сістэма: супрацоўнікі, рэшткі тавараў, кліенцкая база, наладжаная лагістыка і адносіны з пастаўшчыкамі. Будучы пакупнік можа як захаваць цяперашні кірунак, так і запусціць на гэтых плошчах новы праект — напрыклад, рэстаран або касметалагічны цэнтр.
З 1994 года на гэтым месцы працаваў магазін «Прырода», у жніўні 2025 года яго выставілі на продаж за 74,5 тыс. рублёў. У лістападзе на магазіне з’явілася шыльда ZooBazar. Тады пакупніком аб’екта стала кампанія бізнесмена, які працуе ў сферы арэнды і дэвелапменту.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары