Пагадненне паміж Беларуссю і Інданезіяй аб бязвізавых паездках афіцыйна набыло моц. Адпаведнае рашэнне замацавана дакументам Міністэрства іміграцыі і папраўчых устаноў Інданезіі, паведамляе агенцтва «Мінск-Навіны».
Разам з грамадзянамі Беларусі магчымасць бязвізавага ўезду ў Інданезію таксама атрымалі грамадзяне Бразіліі, Казахстана, Макаа, Перу і Турцыі.
Дамоўленасць аб увядзенні бязвізавага рэжыму, як паведамляецца, была дасягнутая падчас сустрэчы Аляксандра Лукашэнкі з прэзідэнтам Інданезіі Прабова Субіянта. Тады беларускі бок таксама паведаміў пра адкрыццё пасольства Інданезіі ў Беларусі і запуск прамых авіярэйсаў паміж дзвюма краінамі.
Інданезія — адна з найбуйнейшых астраўных дзяржаў свету. Яна складаецца больш чым з 17 тысяч астравоў, значная частка якіх незаселеная. Насельніцтва краіны перавышае 280 мільёнаў чалавек. Большасць жыхароў вызнае іслам, аднак у краіне таксама захаваліся моцныя будысцкія традыцыі.
Сярод найбольш вядомых гістарычных помнікаў — будысцкі храм Барабудур, узведзены ў VIII—IX стагоддзях на востраве Ява. Там жа знаходзіцца і храмавы комплекс Прамбанан IX стагоддзя, прысвечаны індуісцкім багам Шыву, Вішну і Брахму. Частка гэтага комплексу была адноўлена пасля землятрусаў і вывяржэнняў вулканаў.
У сталіцы краіны, Джакарце, турысты могуць наведаць мячэць Істыкляль — адну з найбуйнейшых у Паўднёва-Усходняй Азіі, кітайскі квартал, а таксама музеі з калекцыямі старажытных артэфактаў.
Асаблівай папулярнасцю карыстаецца востраў Балі, які лічыцца адным з самых вядомых курортаў свету. Для аматараў дайвінгу і снорклінгу адным з найлепшых месцаў лічыцца архіпелаг Раджа-Ампат, вядомы сваім багатым падводным светам.
Пры планаванні паездкі ў Інданезію рэкамендуецца ўлічваць сезон, транспартную даступнасць асобных астравоў і ўласныя турыстычныя інтарэсы.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Безгрош магчыма??