Думаеце, як перарабіць стары дом у вёсцы? Лавіце ідэю — знайшлі цікавую пераробку хаты ў стыльны барнхаўс. Гэта годны экзэмпляр са свежым інтэр’ерам, сучаснымі інжынернымі сістэмамі жыццезабеспячэння і максімальным камфортам. Як ён выглядае, паказвае Realt.
Знаходзіцца гэты дом за 10 хвілін ад Мінска — у вёсцы Аронава Слабада. Лакацыя падыходзіць як для адпачынку ў рэжыме дачы, так і для пастаяннага жыцця за горадам. Побач лясы, вадасховішча.
Дакладна невядома, якім быў дом да рэканструкцыі, але цяпер ён сапраўды выглядае па-іншаму. Звонку гэта модны барнхаўс з чорным фальцавым дахам і металічным фасадам такога ж колеру. Па баках да яго прымыкаюць дзве тэрасы.
Унутры дом не сталі хаваць пад новым аздабленнем: у інтэр’еры старое дрэва. Зрэшты, падлога, вокны, праводка — новыя.
Агульная плошча — 70 м². Планіроўка такая: у цэнтральнай частцы знаходзіцца кухня-гасцёўня з выхадам на тэрасы. Па баках — 3 спальні і санвузел. Рамонт унутры ўжо дароблены, мэбля і бытавая тэхніка расстаўлены.
Ацяпленне электрычнае, ёсць кандыцыянер, водаправод і каналізацыя падведзены. Участак 25 сотак, агароджаны, упарадкаваны.
І гэты гатовы варыянт для жыцця прадаецца. Уласнікі ацанілі свой барнхаўс на 314 677 рублёў або 110 тысяч даляраў па курсе.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары