У Мінску здаюць трохпакаёўку ўсяго за $200, уласнік нават гатовы замарозіць стаўку на чатыры гады — пры адной умове
Студыямі з голымі сценамі ў «Мінск-Свеце» за $150‑200 ужо нікога не здзівіць, але за тыя самыя грошы можна арандаваць у сталіцы нават трохпакаёвую кватэру.
Унікальная прапанова на вуліцы Пірагова
Кватэра знаходзіцца на другім паверсе трохпавярховага дома на вуліцы Пірагова.
Агульная плошча кватэры — 65 квадратаў. Частка памяшканняў мае ў прамым сэнсе голыя сцены і падлогу. У некаторых ёсць старыя шпалеры і драўляная падлога.
З сучаснага ў гэтай кватэры толькі пластыкавыя вокны і блочныя сцены, якія аддзяляюць санвузел ад усёй кватэры.
У апісанні пазначана, што кватэра здаецца па дамове пад рамонт на тэрмін ад трох-чатырох гадоў без павышэння арэнднай платы на ўвесь час арэнды і з перавагай пры падаўжэнні дамовы ў будучыні.
«Дэталі можна абмяркоўваць», — пазначана ў апісанні да аб'явы.
Наколькі выгадная такая задума?
Натуральна, што нават у адрозненне ад студый з голымі сценамі, якія часам здаюць у «Мінск-Свеце», адразу засяліцца ў гэтую кватэру не ўдасца нават пры ўсім жаданні.
Пры гэтым кошт арэнды сапраўды выглядае невысокім. Цяпер стаўкі на арэнду трохпакаёвак у Мінску пачынаюцца прыкладна ад 450 даляраў за адзінкавыя, самыя бюджэтныя варыянты са старым рамонтам, старой мэбляй ці нават часткова без яе.
Але ўсё адно выглядае, што для таго, каб задума з арэндай такога нестандартнага жытла мела сэнс, рамонт у гэтай кватэры чалавек мусіць па максімуме рабіць уласнымі сіламі.
І чым большым будзе тэрмін арэнды, тым больш імавернай становіцца выгада ад такой здзелкі для арандатара. Асабліва калі стаўкі на арэнду жытла працягнуць расці.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары