Мытнікі расказалі, што цяпер з янотам-нелегалам, які прыплыў у Беларусь з ЗША
Амерыканскі янот, які здзейсніў незвычайнае падарожжа праз акіян у кантэйнеры з легкавымі аўтамабіляміі і апынуўся ў Беларусі, атрымаў імя Сеня. Зараз ён знаходзіцца на ветэрынарнай станцыі ў Ашмянах і яго «паўсонны стан змяніўся на вельмі актыўны», паведамляе Дзяржаўны мытны камітэт.
Калі адразу пасля падарожжа Сеня выглядаў млявым, то цяпер ягоны стан прыкметна палепшыўся. Янот стаў настолькі актыўны, што вальера на ветстанцыі яму ўжо замала: ён з задавальненнем выходзіць пагуляць.
Высветлілася, што ў госця лагодны характар і пераборлівы густ. Сеня вельмі палюбіў курыныя яйкі, крабавыя палачкі і вінаград.
Каранцін у яго працягнецца да 3 лютага. За гэты час жывёлу павінны цалкам абследаваць і правесці ўсе неабходныя працэдуры.
Лёсам янота апякуюцца супрацоўнікі гродзенскай мытні, якія рэгулярна наведваюць і падкормліваюць яго. Адразу пасля з’яўлення амерыканца ў Беларусі некаторыя спецыялісты прапаноўвалі ўсыпіць жывёлу.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары