Беларускі дуэт Юліі Трушкінай і Іны Нядзелькінай стаў чэмпіёнам свету ў каноэ-двойцы на дыстанцыі 200 метраў.
Чэмпіянат свету па веславанні на байдарках і каноэ ў гэтыя дні праходзіць у польскім Познані. У фінальным заездзе беларускам спатрэбілася для пераадолення дыстанцыі 42,26 секунды. Яны апярэдзілі на 0,26 секунды прадстаўніц Узбекістана, а кітайскую пару — на 0,39 секунды.
Для Трушкінай і Нядзелькінай гэта ўжо трэці запар медаль чэмпіянатаў свету. У 2024 годзе яны таксама сталі чэмпіёнкамі свету на гэтай дыстанцыі, а ў 2025‑м заваявалі срэбра.
Яшчэ адну ўзнагароду для Беларусі ў гэты дзень прынесла Алена Наздрова, якая стала бронзавай прызёркай у каноэ-адзіночцы на дыстанцыі 500 метраў.
Учора ж беларусы здабылі на гэтым чэмпіянаце два бронзавыя медалі.
На дыстанцыі 200 м у каноэ-адзіночцы трэцім прыйшоў да фінішу Андрэй Жолабаў з вынікам 41,15 секунды. Для яго гэта першы медаль на дарослым ЧС.
Таксама ў каноэ-двойках на 500 м бронзу заваявалі Ангеліна Барданоўская і тая ж Іна Нядзелькіна з вынікам 2 хвіліны і 02,67 секунды.
Міжнародная федэрацыя каноэ зніме ўсе абмежаванні з беларусаў
Беларускі вясляр заваяваў залаты медаль на чэмпіянаце Еўропы
Загінуў былы трэнер зборнай Беларусі па акадэмічным веславанні Валерый Гайдук
«Аб гэты трамплін можна забівацца кожны дзень». Вядомы трэнер загінуў на велатрэніроўцы праз нечаканую перашкоду
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары