Газавыя сховішчы Еўрасаюза напрыканцы жніўня запоўненыя прыкладна на 63%. Гэта значна менш за сярэдні паказчык у 80% за гэты перыяд у папярэднія гады, піша выданне The Guardian.
Паводле ацэнак аналітыкаў, калі тэмпы запампоўкі газу застануцца такімі ж павольнымі, ЕС можа ўвайсці ў ацяпляльны сезон з запасамі прыкладна на 20% ніжэйшымі за сярэдні ўзровень апошніх пяці гадоў. Гэта можа стаць найгоршым паказчыкам з 2013 года.
Эканамічны аналітык Грэг Молнар папярэджвае, што невысокі ўзровень запасаў павялічвае рызыку рэзкіх ваганняў цэн на газ зімой. Сітуацыя можа яшчэ больш пагоршыцца ў выпадку працяглых халадоў або слабога ветру, калі ўзрасце попыт на газ для вытворчасці электраэнергіі і ацяплення.
На сітуацыю паўплывалі праблемы з экспартам нафты і газу з рэгіёна Персідскага заліва, а таксама высокая выпрацоўка электраэнергіі на газавых станцыях падчас летняй спёкі ў Еўропе.
Еўрапейскія цэны на газ нядаўна выраслі да трохгадовага максімуму — больш чым да 68 еўра за МВт·г. Аналітыкі не выключаюць, што без аднаўлення паставак газу з Блізкага Усходу яго кошт можа перавысіць 100 еўра за МВт·г, паколькі еўрапейскім краінам давядзецца канкурыраваць з азіяцкімі купцамі за пастаўкі звадкаванага прыроднага газу.
Найбольш складаная сітуацыя назіраецца ў Заходняй Еўропе. Пры гэтым Італія і Польшча ўжо запоўнілі свае газавыя сховішчы больш чым на 80%.
У Германіі ўзровень запасаў складае каля 50%. Аднак Міністэрства эканомікі краіны заяўляе, што дэфіцыту газу гэтай зімой не чакаецца: пры магчымасцях імпарту для забеспячэння сярэдняга зімовага попыту дастаткова запоўненасці сховішчаў на 60—70%.
Еўропа ўжо амаль адвыкла ад расійскага газу, але зіма зноў пагражае ЕС энергетычным крызісам
У Еўропе энергетычны крызіс. Ці будзе яна зноў купляць нафту і газ у Расіі?
Лідары краін G7 дамовіліся ўзмацніць ціск на Расію праз нафту і газ. Здаецца, ніхто не супраць
Бельгія не будзе дэмантаваць свае ядзерныя рэактары
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары