Абломкі беспілотнікаў выяўленыя на тэрыторыі складскіх памяшканняў.
Сем чалавек пацярпелі ў выніку абстрэлаў Растоўскай вобласці, атакаваны склад Ozon Пра гэта паведамілі губернатар рэгіёна Юрый Слюсар і прэс-служба маркетплейса.
Чацвярых чалавек шпіталізавалі пасля ўдараў па Растову-на-Доне: у Пралетарскім раёне былі пашкоджаныя два шматпавярховыя дамы. Яшчэ трое чалавек звярнуліся па медыцынскую дапамогу з-за атак па Аксайскім раёне.
«Абломкі беспілотнікаў выяўленыя на тэрыторыі складскіх памяшканняў. Таксама ў выніку падзення абломкаў БПЛА адбылося ўзгаранне ў лесапаласе», — дадаў Слюсар.
У Ozon не сталі ўдакладняць, якія менавіта лагістычныя аб'екты зазналі атаку, але адзначылі, што супрацоўнікаў загадзя эвакуявалі, а інфармацыі пра пацярпелых пакуль няма.
«Мы на час спынілі працу комплексу, каб экстранныя службы агледзелі тэрыторыю і пераканаліся, што знаходзіцца там абсалютна бяспечна. З-за небяспекі ў раёне, дзе знаходзіцца наш другі лагістычны цэнтр, адтуль эвакуявалі работнікаў. Ніхто не пацярпеў. Аб'ект цэлы, але з меркаванняў бяспекі яго працу пакуль прыпынілі — таксама часова не прымаем там пастаўкі прадаўцоў», — адзначылі ў кампаніі.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары