Чартарны рэйс «Белавія» В2 8148, які ляцеў з Шарм-эль-Шэйха ў беларускую сталіцу, быў вымушаны змяніць маршрут і зрабіць пасадку ў Турцыі. Прычынай стала рэзкае пагаршэнне здароўя аднаго з пасажыраў.
Увечары 24 жніўня, у 23.30, чартарны рэйс «Белавія» В2 8148 Шарм-эль-Шэйх — Мінск здзейсніў пасадку ў аэрапорце Анкары (Турцыя) у сувязі з дрэнным самаадчуваннем пасажыра.
Экіпаж прымаў на борце меры для аказання дапамогі, паведамляе авіякампанія. Бортправаднікі абвясцілі па гучнагаварыцелі пра тое, што патрабуецца дапамога медыцынскіх работнікаў. На заклік адгукнуліся два доктары. Пасажыру была праведзена сардэчна-лёгачная рэанімацыя.
Камандзір паветранага судна прыняў рашэнне пра выкананне экстраннай пасадкі, каб аператыўна перадаць пасажыра медыкам.
Нягледзячы на ўсе прыкладзеныя намаганні, выратаваць жыццё пасажыра не ўдалося.
Пасля выканання неабходных працэдур і дазапраўкі самалёт вылецеў з Анкары ў Мінск у 02.50 25 жніўня і здзейсніў пасадку ў Мінску ў 07.42.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары