Маштабная атака на Ozon: беспілотнікі разбамбілі склады ў Дагестане, Адыгеі і Стаўрапольскім краі
У ноч на 24 жніўня ўкраінскія дроны атакавалі лагістычныя цэнтры маркетплейса Ozon у трох рэгіёнах Расіі — Дагестане, Адыгеі і Стаўрапольскім краі.
Сур'ёзныя наступствы зафіксаваны ў Дагестане: пад удар патрапіў найбуйнейшы склад кампаніі на Паўночным Каўказе плошчай каля 130 тысяч квадратных метраў, размешчаны ў індустрыяльным парку пасёлка Цюбэ (Кумтаркалінскі раён).
Паводле даных прэс-службы Ozon і мясцовых улад, на аб'екце выбухнуў вялікі пажар, некалькі чалавек атрымалі раненні, а праца комплексу была поўнасцю прыпынена.
У Адыгеі дрон атакаваў лагістычны цэнтр у Адыгейску. Кіраўнік рэгіёна Мурат Кумпілаў пацвердзіў факт пажару на складзе, да ліквідацыі якога прыцягнулі вялікія сілы МНС. Супрацоўнікаў комплексу паспелі эвакуяваць, сярод персаналу пацярпелых няма. Прадстаўнікі Ozon заяўляюць, што сам аб'ект і тавары істотна не пацярпелі.
У Стаўрапольскім краі з-за пагрозы паветранай атакі быў тэрмінова эвакуяваны склад у Нявінамыску. Усе работнікі пакінулі тэрыторыю, пашкоджанняў маёмасці не зафіксавана. Мясцовыя ўлады Стаўраполля пакуль не каментавалі атаку.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары