Фатографку з Мінска асудзілі за «садзейнічанне экстрэмізму»
У Мінскім абласным судзе вынеслі вырак 50‑гадовай фатографцы і спецыялістцы па візуальным кантэнце Алене Таленец. Жанчыну прызналі вінаватай паводле частак 1 і 2 артыкула 361‑4 Крымінальнага кодэкса.
Алена Таленец нарадзілася 21 лістапада 1975 года ў Мінску. Яна скончыла Акадэмію кіравання ў 1996 годзе, а з 2004 па 2021 гады займалася прадпрымальніцкай дзейнасцю ў сферы рэкламы.
Апошнім часам Алена працавала прафесійнай фатографкай: стварала жаночыя партрэты, праводзіла здымкі для экспертных старонак і сэрвісаў знаёмстваў, а таксама распрацоўвала аўтарскія візуальныя канцэпцыі.
Акрамя камерцыйнай фатаграфіі, Алена актыўна цікавіцца мастацтвам і стылістыкай. Яна вывучала каларыстыку, наведвала курсы па фотафларыстыцы і партрэтнай здымцы ды захапляецца здымкамі нацюрмортаў. У сацсетках жанчына часта дзялілася развагамі пра псіхалогію, шпацыры па горадзе, кіно, кулінарыю і любоў да жывёл.
Таленец была ў СІЗА з лютага 2026 года да суда. Судовы працэс праходзіў у Мінскім абласным судзе летам гэтага года. Алену абвінавацілі ў садзейнічанні экстрэмісцкай дзейнасці.
Ёй прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬЦяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Столькі розных людзей жадалі дапамагчы антываеннай дзейнасці.