На дне 2000‑гадовага калодзежа ў Шатландыі знайшлі чалавечыя парэшткі
У Шатландыі археолагі знайшлі чалавечы шкілет, наўмысна змешчаны на дно старажытнага калодзежа. Даследчыкі мяркуюць, што пахаванне магло быць часткай нейкага рытуалу жалезнага веку, піша выданне Independent.
Сам калодзеж мае прыкладна 3 метры ў даўжыню і каля метра ў глыбіню. Яго сцены і дно былі выкладзеныя каменнымі плітамі, а паміж імі выкарыстоўваўся гліністы раствор. Канструкцыя мела каменную падлогу, вялікія валуны і спецыяльныя прыступкі для ўваходу.
Па словах археолагаў, першапачаткова збудаванне, верагодна, выкарыстоўвалася для захоўвання вады. Пра гэта сведчыць, у прыватнасці, гліністы раствор на ніжніх узроўнях, які мог забяспечваць воданепранікальнасць.
Пазней студня была закінутая і магла атрымаць іншае, рытуальнае прызначэнне. Пра гэта сведчыць і тое, што ўваход у яе быў перакрыты, а ўнутры разам з чалавечымі парэшткамі знайшлі вялікую колькасць костак жывёл.
Шкілет чалавека быў накрыты матэрыялам з вялікім утрыманнем драўнянага вугалю. Даследчыкі лічаць, што гэта таксама можа быць звязана з момантам, калі збудаванне перастала выкарыстоўвацца як крыніца вады.
Побач са студняй археолагі знайшлі фрагмент сланцавага бранзалета і разбітую стэатытавую чашу. Гэтыя знаходкі адносяць да жалезнага веку і яны дапамагаюць датаваць збудаванне.
Пахаванні людзей у такіх аб'ектах на поўначы Шатландыі сустракаюцца вельмі рэдка. Таму даследчыкі мяркуюць, што чалавека маглі змясціць у калодзеж не выпадкова, а ў рамках пэўнага старажытнага абраду, ужо пасля таго, як ён перастаў выкарыстоўвацца для захоўвання вады.
Пакуль невядома, кім быў пахаваны чалавек, — яго пол і ўзрост павінны дапамагчы вызначыць далейшыя даследаванні. Археолагі таксама плануюць дадаткова вывучыць чалавечыя косткі, артэфакты, глебу і рэшткі жывёл і раслін.
Ёсць і яшчэ адна цікавая дэталь: паводле папярэдніх даследаванняў, старажытнае збудаванне магло знаходзіцца сярод круглых канструкцый, звязаных з жылымі дамамі. Гэта можа даць дадатковую інфармацыю пра людзей, якія жылі тут каля 2000 гадоў таму, і пра іх рытуальныя традыцыі.
У Расіі сцвярджаюць, што знайшлі мошчы Дзмітрыя Данскога
Акадэмія навук рыхтуе археалагічную карту Мінска. Апошнія знаходкі на Менцы ўносяць значныя карэктывы ў гісторыю горада
Пад Талачыном адкапалі фрэскі ў крыпце князёў Друцкіх-Саколінскіх. На раскопкі назбіралі праз краўдфандынг
Падчас раскопак у Полацку знайшлі старажытнае графіці і фрагмент галерэі XII стагоддзя
У Гродне археолагі знайшлі фрагменты касцёла канца XVI — сярэдзіны XVII стагоддзя
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары