Краўцоў расчараваны, што беларусы забылі Калеснікаву. «А яна становіцца ледзь не тварам №1»
«Яе Мерц слухае, Урсула [фон дэр Ляен] ёй апладзіруе на сцэне, з Калас яны сустракаліся. Робім выгляд, што [нічога] няма».
Былы сакратар Каардынацыйнай рады Іван Краўцоў, паплечнік Марыі Калеснікавай, расчараваны адсутнасцю ўвагі да яе палітычных поспехаў. Гэтаму ён прысвяціў свой маналог у стрыме Лізаветы Пракопчык.
«Усе захоплена абмяркоўваюць Бабарыку, але ўсе забылі пра Калеснікаву. То-бок яе там аба*ралі, але, калі паглядзець на тыя мерапрыемствы, у якіх удзельнічае кожны тыдзень Калеснікава, на ўзровень людзей, з якімі яна сустракаецца, дык гэта наогул не параўнаць. Але пра гэта ў нас глуха, бо гэта нецікава. Цікава паглядзець, як там канкурыруюць, што там Латушка сказаў Бабарыку.
А тое, што Калеснікава зараз становіцца ледзь не тварам нумар адзін… Тварам нумар адзін для Германіі яна дакладна стала. А яшчэ і другіх краін, скажам так, нетрадыцыйных, не Польшчы, не Літвы, а крыху больш заходніх. Гэта як бы [нікога] не хвалюе.
То-бок Калеснікава едзе на Мюнхенскую канферэнцыю, на Глобсек, у Ахен, у Берлін, на топавыя івэнты, сустракаецца з канцлерам, адкрывае канферэнцыю прамыслоўцаў Германіі, выступае першай на канферэнцыі прамыслоўцаў Германіі, дзе знаходзяцца шматмільярдныя нямецкія бізнэс-холдынгі. Яна кажа пэўныя меседжы, кажа кожны тыдзень.
У нас у ютубе беларускім гэта абмяркоўваюць, але ніхто з той аўдыторыі, якой яна гэта кажа, не глядзіць беларускі ютуб. Адпаведна, як бы ўсё гэта [абмеркаванне] з пустога ў парожняе. То-бок ёсць гэта проста работа на сваю вось гэтую вузкую электаральную базу актывістаў. «Актывісты, калі ласка, не хвалюйцеся! Усё, што яна кажа, не слухайце гэта, гэта ўсё лухта».
А тое, што як бы там яе Мерц слухае, ці там, не ведаю, ці Урсула [фон дэр Ляен] стаіць і апладзіруе ёй на сцэне, ці тое, што там з Каяй Калас яны сустракаліся, пра што яны гаварылі…
«Не звяртайце ўвагі, галоўнае, што мы самі за*ралі ў сябе на канферэнцыі Новай Беларусі, якая праходзіць у гатэлі там, недзе ў канферэнц-зале. Гэта самае галоўнае».
Робім выгляд, што [нічога] няма, што няма. Ну, усё нармальна».
Чытайце таксама:
«Насамрэч каманда не заўсёды была сканцэнтравана на Бабарыку. Не ўсё сышлося на ім». Краўцоў выпісвае Бабарыку з «бабарыканцаў»?
Краўцоў: Я б не сказаў, што Бабарыка добра разумее палітычны кантэкст. А ўдзел у канферэнцыі «Новая Беларусь» — слабы ход
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
Ніякага спачування тым, хто пагарджае нашаю моваю. Вы сам пад сябе се*аце.