13 жніўня ў Міністэрстве антыманапольнага рэгулявання і гандлю Беларусі адбылася працоўная сустрэча, прысвечаная працы інтэрнэт-пляцовак і прасоўванню айчыннай прадукцыі ў анлайн-асяроддзі.
У абмеркаванні ўдзельнічалі прадстаўнікі Мінпрама, канцэрнаў «Беллегпрам», «Белдзяржхарчпрам», «Беллеспаперпрам» і «Белнафтахім», упраўленняў гандлю і паслуг, а таксама кіраўнікі і прадстаўнікі найбуйнейшых інтэрнэт-пляцовак Беларусі.
Да пагаднення аб супрацоўніцтве далучыліся «Інтэрнэт-крама Еўраопт», «Яндэкс Ежа», «Белпошта», Ozon, «Флаўваў», Onliner і Delivio. Расійскі «Вайлдберыс», як падкрэсліваецца, пакуль да пагаднення не далучыўся.
Асноўнай тэмай сустрэчы стала ацэнка эфектыўнасці прасоўвання беларускіх тавараў праз інтэрнэт-пляцоўкі. Удзельнікі абмеркавалі ключавыя паказчыкі, якія дазволяць вызначаць, наколькі паспяхова айчынныя вытворцы прасоўваюць сваю прадукцыю і павялічваюць яе продажы праз анлайн-каналы.
Падчас сустрэчы таксама падрабязна разгледзелі асобныя паказчыкі і методыку іх разліку. Галоўная мэта такой сістэмы — актывізаваць продаж беларускіх тавараў у інтэрнэце і павялічыць іх долю ў анлайн-гандлі.
Па выніках сустрэчы вырашана, што за кожнай інтэрнэт-пляцоўкай замацуюць асобнага прадстаўніка ад Мінгандлю, які будзе адказваць за ўзаемадзеянне з беларускімі вытворцамі. Падобная практыка ўжо дзейнічае ў звычайных гандлёвых сетках.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары