Беларусбанк апублікаваў крэдытны калькулятар, які дазваляе зразумець, ці ўпішацца набыццё жылля на новых умовах у сямейны бюджэт, піша Onliner.by.
Знайсці калькулятар можна па спасылцы. Калі ў доўг неабходна ўзяць усяго 150 000 рублёў, то неабходны сярэднямесячны даход цалкам супастаўны з сярэднім заробкам па Мінску: 3625 рублёў.
Плацяжы ў першыя два гады таксама не выглядаюць вялікімі: 125 і 725 рублёў. Далей ужо будзе значна цяжэй: 1958 рублёў у месяц. І так 18 гадоў запар.
Але затое двухгадовая адтэрміноўка дазволіць спакойна зрабіць рамонт або максімальна пагасіць доўг, каб потым было не так балюча.
А калі прафінансаваць трэба 300 000 рублёў?
Заробак павінен дасягаць ужо 6536 рублёў, але плацяжы ў найбліжэйшыя два гады ўсё яшчэ больш-менш нармальныя: 250 і 1451 рубель. Аднак потым… 3916 рублёў.
Для большасці гэта будзе вельмі адчувальна. На інфляцыю асабліва не разлічваем, крэдыт прывязаны да стаўкі рэфінансавання.
І напрыканцы катэдж ва «Утульным». Паводле прыдуманых умоваў, дакрэдытавацца трэба на 2 000 000 рублёў. Пры ранейшых працэнтных стаўках патрабаваўся заробак у 36 000 рублёў і штомесячны плацеж у 25 000 рублёў.
Заробак павінен аказацца нават вышэйшым — 39 528 рублёў за тры месяцы. У першы год аддаваць банку ў месяц трэба будзе 1666 рублёў, у другі — 9673. А потым — ужо блізкія да папярэдняга значэння 26 111 рублёў.
Пры гэтым у старым варыянце працэнты за ўвесь перыяд карыстання крэдытам складалі 3 974 261 рубель, а ў новым — 3 749 991 рубель. Гэта значыць, на 224 000 рублёў з капейкамі больш выгадней.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары