Доля кітайскіх аўтабрэндаў, прададзеных на еўрапейскім рынку, дасягнула рэкордных 10,9% у чэрвені — продажы выраслі на 118% да 150 272 адзінак. Рост забяспечылі ў асноўным падлучальныя гібрыды (PHEV) і поўныя гібрыды, якія не падпадаюць пад дадатковыя мыты ЕС на электрамабілі, паведамляе асацыяцыя ECG.
Лідары сярод кітайскіх брэндаў:
- SAIC (MG) — 38 640 продажаў (+52%);
- BYD — 38 300 (+146%);
- Chery Group — 35 228 (+262%);
- Leapmotor — 12 714 (+566%);
- Geely Group — 11 873 (+44%).
Сегмент поўных гібрыдаў вырас на 246%, а падлучальных гібрыдаў — на 213%
На долю электрамабіляў з акумулятарнымі батарэямі прыпадала 35% продажаў кітайскіх брэндаў, а на долю падлучальных гібрыдаў — 31%, у той час як год таму гэтыя паказчыкі складалі 38% і 22% адпаведна.
З пачатку года MG утрымлівае лідарства, далей ідзе BYD і Chery. У цэлым кітайскія брэнды нарасцілі продажы ў Еўропе на 101% да 685 990 аўто, павялічыўшы долю рынку з 5% да 9,5% за год.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары