Мінскі аўтамабільны завод і прадпрыемства «МАЗ-Купава» вырабілі спецыяльны аўтамабіль МАЗ 281 для Нацыянальнага аэрапорта Мінск. Машына будзе перавозіць пасажыраў паміж самалётам і тэрміналам, паведамляе myfin.by.
Аўтамабіль атрымаў дызельны рухавік магутнасцю 150 к.с., шасціступеньчатую механічную каробку перадач і адпавядае экалагічнаму стандарту Еўра-5. У аснашчэнне ўвайшлі сістэмы ABS, EBD і ESC, круіз-кантроль, кандыцыянер, камера задняга віду і электрапрывад люстэркаў.
У салоне прадугледжана сем крэслаў павышанай камфортнасці з адкіднымі спінкамі. Яшчэ два пасажырскія месцы размешчаны побач з кіроўцам. Таксама ўсталяваны аўтаматычныя бакавыя дзверы, двухрэжымнае асвятленне «дзень-ноч», падсвятленне прыступак, супрацьслізготнае пакрыццё падлогі і тэлескапічная вешалка для верхняга адзення.
Усяго па замове аэрапорта вырабяць тры такія аўтамабілі. Адзін з іх абсталююць месцам для перавозкі пасажыра з абмежаванымі магчымасцямі.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары