Статкевіч звінаваціў лукашыстаў у этнацыдзе і назваў проціяддзе яму
Былы палітзняволены палітык Мікалай Статкевіч у сваім тэлеграм-канале напісаў, як трэба разумець апошнія скандальныя выказванні ключавых прапагандыстаў рэжыму Лукашэнкі і што трэба рабіць, каб іхнія намаганні прапалі марна.
Даруйце, але я зноў пра сабак. Не магу зразумець, калі нехта, аббраханы маімі сабакамі, пачынае наракаць на іх за гэта. Нават дакараць ці нешта тлумачыць ім.
У сабак свая логіка. Яны брэшуць, бо іх за гэта кормяць. За тое, што сігналізуюць гаспадару пра чужых людзей, пра рэальную ці магчымую пагрозу, спрабуюць напалохаць і прагнаць чужых. Праца ў іх такая. Аналізаваць змены амплітуды ці спектру сабачага брэху — пусты занятак. Лепей разабрацца, чаму гаспадар загадаў ім брахаць ці чаму яны самі вырашылі, што іх брэх з канкрэтнай нагоды будзе ўспрыняты гаспадаром станоўча, за што сабакам перападзе лішняя міска корму.
Калі я бачу ці чытаю занадта адыёзныя выказванні афіцыйных прапагандыстаў, я ўспрымаю іх проста — як агучванне думак іх гаспадара. І гэта — самае страшнае.
Бо гэта не яны хочуць «паганай мятлой вычысціць нацыяналістычную заразу» — нашу гісторыю, нацыянальную культуру, традыцыі, вопратку, мову — усё, што стварае нацыянальную ідэнтычнасць, што робіць нас адметнай нацыяй. Гэта не яны хочуць «прыбраць» усё пералічанае, таму што мы «гэта любілі». Яны проста пачулі ці адчулі жаданні таго, хто іх корміць, і агучваюць іх.
Раней афіцыйныя прапагандысты шмат выказваліся наконт нацыянальнага прыгнечання беларусаў палякамі ў Заходняй Беларусі ў 20‑30 гады мінулага стагоддзя. Пра паланізацыю, забарону навучання на беларускай мове, пра дамінаванне польскай у дзяржаўных установах. Нават ўжывалі словы «этнацыд беларускай нацыі палякамі». Пра русіфікацыю беларусаў ва Усходняй Беларусі, пра масавыя рэпрэсіі, пра знішчэнне 80% беларускіх літаратараў у НКВД чамусьці сарамліва маўчалі.
Але вось цяпер Беларусь нібыта незалежная беларуская дзяржава. І што тут у нас з беларускай мовай? Рытарычнае пытанне. Нядаўна прачытаў, што зараз у Мінску па-беларуску навучаюцца 0,13% вучняў школ. А цяпер нават да вопраткі, да Купалля і Грунвальда дабраліся. Калі хто ня ведае, прыводжу вызначэнне слова «этнацыд»:
«Этнацыд — гэта знішчэнне або разбурэнне этнічнай ідэнтычнасці».
Таму кіньце эмацыйна каментаваць брэх. Сітуацыя цалкам зразумелая. Лепей давайце думаць, што рабіць, каб захаваць усё, што мы любім, каб не даць «прыбраць» ці «вымесці» нашу нацыю. У сённяшніх варунках, калі ўсе матэрыяльныя нацыянальныя прыкметы з'яўляюцца аб'ектамі пераследу, зрабіць гэта няпроста. Застаюцца толькі нематэрыяльныя. Галоўны з іх — мова.
Разумею, што гэта няпроста. Але давайце, хаця б, напачатку чытаць беларускамоўныя кнігі — нягледзячы на забароны пэўных аўтараў ці кніг, на змяншэнне колькасці беларускамоўных выданняў ёсць інтэрнэт-бібліятэкі беларускіх кніг, якім патрэбны чытачы і наша падтрымка. Недарэмна ж іх атакуюць. Наступны крок — пачаць пісаць у сетках па беларуску. І галоўнае — размаўляць. Разумею, што складана. Дык можна пачаць з некалькіх слоў: «Дзякуй, калі ласка, прывітанне, да пабачэння». Усюды — ад крамы да працы. Так мы будзем ведаць, што мы ёсць, што Беларусь жыве.
Азаронак пра закрыццё беларускіх крам: Прыбралі таму, што вы гэта любілі. Мне не лянота сядзець і глядзець, дзе што прадаюць
«Штурм нашай Бастыліі яшчэ наперадзе». Статкевіч сустрэўся з французскімі дыпламатамі
«Дабраліся і да сабак». Мікола Статкевіч расказаў пра спецаперацыю супраць ягоных гадаванцаў
Статкевіч: Уцёкі палкаводца з поля бітвы ў яе крытычны момант заўсёды дэмаралізоўвалі яго войска
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца2
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
В этом, есть консенсус меж лукашенко, лукашистами их красауцами в погонах, московской церкви в Беларуси и русским миром России.
Не раз, разговаривал с обычными россиянами, так они диву даются, как лукашенко, лукашисты и их красауцы в погонах, могут, так сильно, ненавидеть Беларусь, Беларуское, Беларусов и хотят быт похожими на русских России во всём, но получается хре...вая похожесть, как были третьесортными для русских, так и останутся.
Ну, и наперёд, всем циркам на дроте, довожу, что читаю русскоязычную, официальную версию НН.
[Зрэдагавана]