За першую палову года ў Расіі прадалі 28,8 тысячы аўтамабіляў Belgee.
За першыя шэсць месяцаў 2026 года ў Расіі прадалі больш за 28,8 тысячы аўтамабіляў Belgee — гэта на 61,6% больш, чым за такі ж перыяд мінулага года, паведамляе расійскае агенцтва «Автостат».
З такімі лічбамі беларускі брэнд трапіў у топ-5 па продажах на рынку суседняй краіны, маючы амаль 5% рынку. Наперадзе — Lada (больш за 152 тысячы машын, чвэрць рынку) і Haval (звыш 84 тысячы, амаль 14%).
Толькі за чэрвень у Расіі прадалі 5,09 тысячы «Белджы» — на чвэрць больш, чым годам раней. А абноўлены кросавер Belgee X50+, які толькі ў чэрвені выйшаў на расійскі рынак, з першага месяца ўскочыў у топ-10 — разышлася 2681 машына.
У той жа час з чэрвеня «Белджы» спыніла пастаўкі ў Расію красоверaў папярэдняга пакалення Belgee X50.
Лідарамі чэрвеня па продажах у Расіі сталі Haval Jolion (7870 адзінак), Tenet T7 (6798) і традыцыйная Lada Vesta (5666).
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары