Пермскі нафтаперапрацоўчы завод «Пермнафтааргсінтэз», які належыць «Лукойлу», спыніў працу пасля атакі ўкраінскіх беспілотнікаў 21 жніўня. Пра гэта агенцтву Reuters паведамілі дзве крыніцы ў нафтавай галіне. Паводле іх ацэнак, рамонт можа заняць да двух тыдняў.
Раніцай 21 жніўня ўкраінскія дроны атакавалі аб'екты ў Пермі. Пазней над тэрыторыяй НПЗ заўважылі дым. Суразмоўцы Reuters пацвердзілі, што ў выніку атакі на прадпрыемстве ўзнік пажар.
У выніку была спыненая асноўная ўстаноўка першаснай перапрацоўкі нафты, на якую прыпадае каля 40% магутнасці завода. Яшчэ адна буйная ўстаноўка, якая забяспечвае каля 34% магутнасці НПЗ, не працуе з 29 ліпеня.
«Пермнафтааргсінтэз» з'яўляецца адным з найбуйнейшых нафтаперапрацоўчых прадпрыемстваў Расіі і займае прыкладна сёмае месца ў краіне па аб'ёмах перапрацоўкі нафты.
Украінскія беспілотнікі некалькі разоў атакавалі завод з вясны 2026 года. У пачатку мая прадпрыемства ўжо было вымушанае прыпыніць працу пасля ўдараў.
Рэгулярныя атакі на расійскую нафтавую інфраструктуру адбываюцца на фоне працяглых праблем з забеспячэннем унутранага рынку палівам. На працягу лета ў Расіі назіраецца паліўны крызіс: бензін даражэе, а ў розных рэгіёнах уводзяць абмежаванні на яго продаж. Новая хваля праблем пачалася ў сярэдзіне жніўня.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца2
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары