Ураджэнец Гомеля ўзначаліў спіс найбагацейшых бізнэсменаў Расіі па версіі Forbes. Яго багацце ацэньваецца ў $25,2 млрд
Заснавальнік «Еўрахіма» і «Сібірскай вугальнай энергетычнай кампаніі» Андрэй Мельнічэнка ўпершыню стаў лідарам рэйтынгу найбагацейшых бізнэсменаў сярод расіян па версіі часопіса Forbes. За год яго багацце падвоілася.
У сусветным спісе мільярдэраў па версіі Forbes Андрэй Мельнічэнка займае зараз 58-е месца.
Андрэй Мельнічэнка нарадзіўся 8 сакавіка 1972 года ў Гомелі. Вучыцца ён зʼехаў у Маскву, застаўся жыць у Расіі. Сын савецкага фізіка, Мельнічэнка кінуў навучанне, калі ў 1991 годзе распаўся СССР, каб заснаваць сетку пунктаў абмену валюты. Праз два гады ён заснаваў свой банк. Кампаніі Мельнічэнкі, у якіх працуе больш за 100 тысяч чалавек, за апошнія 15 гадоў інвеставалі каля 23 мільярдаў даляраў у вытворчасць угнаенняў і вугалю.
Мельнічэнка трапіў пад санкцыі ЕС і Вялікабрытаніі ў сакавіку 2022 года і ЗША ў жніўні 2022 года. Ён назваў санкцыі «абсурднымі і бессэнсоўнымі» і аспрэчвае іх.
9 сакавіка праз санкцыі ён пакінуў склад акцыянераў «Сібірскай вугальнай энергетычнай кампаніі».
У сакавіку мінулага года бізнэсмен назваў вайну ва Украіне трагедыяй і заклікаў спыніць яе.
«Будучы рускім па нацыянальнасці, беларусам па нараджэнні і ўкраінцам па крыві, я адчуваю вялікі боль і замяшанне, калі бачу, як змагаюцца і гінуць брацкія народы», — сказаў мільярдэр. Яго маці — украінка.
Багацце амаль усіх расійскіх мільярдэраў, паводле Forbes, за год вырасла.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары