У Мінску прадаюць кватэру, інтэр'ер якой немагчыма забыць, хаця некаму і захочацца
Статуя анёла, круглы ложак, фрэскі. Такое дакладна не чакаеш убачыць у мінскай сталінцы.
«Інтэр'ер, які немагчыма забыць», — так рыэлтар апісвае дызайн кватэры, якая знаходзіцца ў сталінцы на вуліцы Будзённага, 19 у Мінску, піша Onliner.
Сапраўды, стылістычныя рашэнні здзіўляюць: тут і нешта сучаснае, і антычнае, і класічнае. З наліўной падлогі расце дэкаратыўнае дрэва, сцяна ўпрыгожана статуяй анёла, а на столі заліваюцца сонцам воблакі. Колькі каштуе такое жытло?
Незвычайная аднапакаёўка знаходзіцца ў 4‑павярховым цагляным доме, пабудаваным у 1955 годзе. Гэта тыповая мінская сталінка з аркамі ля ўваходных груп і прасторнымі пад'ездамі.
Плошча кватэры — 40 кв. м.
— Гэта не «тыповы рамонт», які сустракаецца ў кожнай другой кватэры, — піша рыэлтар. — Эфектная наліўная падлога, аўтарскія фрэскі з імітацыяй дрэва, мастацкая кампазіцыя са статуяй жанчыны-анёла, дарагая італьянская кухня, круглы ложак, які стварае атмасферу boutique-apartment.
Рыэлтар упэўнены, што кватэра ідэальна падыходзіць для здачы ў арэнду:
— Кватэра выглядае дарагой, атмасфернай і выдатна запамінаецца гасцям. А менавіта гэта сёння прыносіць высокі даход у пасуткавай арэндзе.
Але, вядома, жыць у ёй на пастаяннай аснове ніхто не забараняе. Напэўна, на свеце ёсць аматары такіх нестандартных дызайнаў.
Кошт эклектычнай сталінкі — 272 250 рублёў, або амаль $94 000 па курсе.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары