Чыноўнікі пераблыталі нумар кватэры і засялілі жанчыну не туды, а калі яна зрабіла рамонт, запатрабавалі памяняцца з суседам
Непрыемная гісторыя адбылася ў Дзятлаве.
Вольга Грамадская вырасла ў дзіцячым доме і шмат гадоў стаяла ў чарзе на паляпшэнне жыллёвых умоў. У 2025 годзе ёй як сіраце выдалі новую трохпакаёвую арэндную кватэру №4 у новым доме ў Дзятлаве (Гродзенская вобласць). Жанчына з двума дзецьмі (13 і 9 гадоў) засялілася, зрабіла рамонт і абсталявала жыллё пад сябе — выдаткавала больш за 10 тысяч рублёў.
Праз год з ЖКГ патэлефанавалі і паведамілі: забудоўшчык пры здачы дома пераблытаў нумарацыю кватэр, і насамрэч Вольга павінна жыць не ў кватэры №4, а ў №6 (кватэры па плошчы падобныя). Жанчыне прапанавалі проста пераехаць, без кампенсацыі, апісвае sb.by.
Вольга спрабавала дамовіцца — прапаноўвала проста выправіць дакументы, калі розніца мінімальная. Але ёй адмовілі, прапанаваўшы ўзамен толькі грузчыкаў для пераезду. Тады яна звярнулася ў пракуратуру, запісала ролік у TikTok і пайшла ў СМІ.
У ЖКГ пацвердзілі: памылку дапусціў забудоўшчык (УКБ Слонімскага раёна), а пры прыёмцы яе не заўважыў і майстар жылфонду. Праблему выявілі толькі праз год, калі суседзі заняліся афармленнем тэхпашпарта. Прычына, чаму проста нельга памяняць дакументы: кватэра №6 будавалася на бюджэтныя сродкі, а кватэра Вольгі — арэндная, таму афіцыйна гэта розныя катэгорыі жылля.
Пасля візіту журналістаў у ЖКГ заявілі, што ўсё ж пастараюцца ўрэгуляваць сітуацыю на ўзроўні дакументаў, не прымушаючы сям’ю пераязджаць.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
рэспект архітэктару