Блогерка Вольга Такарчук заявіла, што яе крытыка мела на мэце «спыніць яго ад тых фатальных памылак, якія ў выніку ён і здзейсніў».
«Я шчыра прашу прабачэння ў Сяргея Ціханоўскага за сваю фразу пра тое, што яго не прымала ніводная камера. Мне не варта было гэтага казаць, бо толькі яму аднаму вядома, што з ім рабілі ў турме, у якой ён увогуле не павінен быў апынуцца, як і ўсе астатнія ПЗ, у тым ліку і я. У кожнага свой парог страху, болю і вынослівасці. Што да ўсяго астатняга, то я ніколі не абражала ні яго, ні каго-небудзь іншага. Кожнае маё відэа пра Сяргея было накіраванае толькі на тое, каб ён задумаўся над тым, што робіць і што кажа. Я ніколі не апускалася да прыніжэнняў. Я спрабавала спыніць яго ад тых фатальных памылак, якія ў выніку ён і здзейсніў. Шкада, што Сяргей успрыняў гэта як вайну», — напісала яна ў сваім фэйсбуку.
Яна кажа, што разумее, што ўсе, хто выйшаў з лукашэнкаўскага палону, — глыбока траўмаваныя людзі.
«Нам давялося перажыць тое, чаго мы не павінны былі перажываць і праз што не павінны былі праходзіць. Але такая цана барацьбы за свабоду Беларусі», — дадала яна.
Раней у эфіры «Еўрарадыё» Вольга рэзка выказалася пра Сяргея Ціханоўскага.
«У мяне ўзнікае пытанне. Выходзяць людзі — не толькі палітзняволеныя, але і проста зняволеныя. І задаюць пытанне: чаму цябе не прыняла ніводная камера? Можа, ты гэта людзям раскажаш? Чаму за ўвесь час, які ты сядзеў, ты ў ні аднаго прадольнага (дзяжурнага па калідоры з камерамі ў СІЗА ці турме — НН) не пацікавіўся пра людзей, якія выйшлі за цябе і з-за цябе селі. Пра турму там ёсць [да цябе] пытаннечкі, Сярожа», — заявіла блогерка ў эфіры «Еўрарадыё».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
То бок сваю фразу, што Ціханоўскага "не прымала ніводная камера" яна прыніжэннем не лічыць?
А як лічыць сам Ціханоўскі і яго паплечнікі? Гэта прыніжэнне ці не?