У якіх жылых комплексах можна будзе купіць кватэру ў іпатэку пад 1%?
У спісе — «Новая Баравая», «Паўночны бераг», але не толькі.
Нядаўна стала вядома, што Беларусбанк запускае іпатэку на новабудоўлі пад 1%. Такі мінімальны працэнт будзе першыя два гады, пасля — 15,4%.
Некалькі забудоўшчыкаў ужо паведамілі, што ў іх можна будзе купіць жыллё на гэтай праграме.
Кампанія «А-100 Дэвелапмент» дазволіць браць такую іпатэку на жылыя комплексы «Новая Баравая» і «Зялёная гавань» з 13 жніўня. Нават у элітным комплексе Depo можна пабудавацца ў іпатэку пад 1%. Яе можна ўзяць на тэрмін да 20 гадоў, а пры жаданні — пагасіць датэрмінова. «Адтэрміноўка плацяжу па асноўным доўгу складае 12 месяцаў. Максімальная сума крэдыту не абмежавана — яна залежыць ад кошту аб’екта, памеру ўласных сродкаў і плацежаздольнасці крэдытаатрымальніка. Пры выкананні ўмоў крэдытавання дагавор можна аформіць і без прыцягнення паручыцеляў», — паведаміла кампанія.
Да параграмы далучаюцца таксама ЖК «Паўночны бераг», «Вяршыня». У апошнім, апроч іпатэкі ад Беларусбанка, ёсць партнёрская праграма з БНБ-Банкам: 1% гадавых першы год, пасля 16%.
Іпатэку дадуць і на «Гранд Крыстал» у Лебяжым (яго будуе кампанія «СМУ-87»). Выдаваць пачнуць з 17 жніўня.
У Брэсце і Гродне пад такія ўмовы можна купіць новае жыллё ад «Палессежылбуда».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Но люди бегут брать, думая, что как раньше, зарплаты будут расти, рубль обесцениваться, а выплаты по процентам такие же))