У Кеніі расследуюць загадкавую гібель 15 сланоў, якія за месяц памерлі ў Нацыянальным парку Амбаселі. Большасць загінулых жывёл перад смерцю мела частковы параліч, паведамляе The Guardian.
Паводле Кенійскай службы аховы дзікай прыроды, у 10‑ці сланоў параліч назіраўся на працягу двух дзён перад гібеллю. Устанавіць, што адбылося з астатнімі пяццю, пакуль складана: іх тушкі былі моцна раскладзеныя альбо часткова з'едзеныя іншымі жывёламі.
Сярод загінулых быў толькі адзін самец, астатнія — самкі і сланяты.
Папярэднія даследаванні ўзораў, праведзеныя ў лабараторыі Універсітэта Найробі, выявілі рэчыва, якое можа быць патэнцыйна таксічным. Аднак дзяржаўная лабараторыя, якая правяла асобныя аналізы, пакуль не знайшла таксінаў, наяўнасць якіх правяралася.
Таму даследаванне працягваецца. Спецыялісты аналізуюць не толькі тканкі загінулых жывёл, але і крыніцы вады, а таксама іншыя магчымыя фактары забруджвання навакольнага асяроддзя ў раёнах, дзе былі знойдзеныя мёртвыя сланы.
Улады падкрэсліваюць, што на гэты момант няма доказаў, што магчымае захворванне або прычына гібелі сланоў можа перадавацца людзям.
У Кеніі выпадкі атручвання сланоў ужо здараліся раней. Жывёл маглі атручваць браканьеры або мясцовыя жыхары ў выніку канфліктаў паміж людзьмі і дзікай прыродай.
Падобная масавая гібель сланоў назіралася ў Батсване ў 2020 годзе. Тады навукоўцы прыйшлі да высновы, што верагоднай прычынай магло стаць атручванне вадой, у якой праз размнажэнне цыянабактэрый назапашваліся небяспечныя рэчывы. Паводле меркавання даследчыкаў, распаўсюджванню такіх арганізмаў магло спрыяць змяненне клімату.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары