Жыхара Жлобіна асудзілі за пратэсты, хоць тэрмін даўніны павінен быў выйсці. Як такое магчыма?
Рэнату Пелагейчыку на момант пратэстаў было 17 гадоў.
Рэнат Пелагейчык нарадзіўся 15 лістапада 2002 года. У 2019‑м ён скончыў сярэднюю школу №13 у Жлобіне. Ужо ў 18 гадоў юнак вырашыў заняцца бізнэсам: у лютым 2021 года зарэгістраваў ІП у родным горадзе, каб займацца рознічным гандлем праз інтэрнэт.
Паводле даных з сацыяльных сетак, праз нейкі час хлопец перабраўся ў Расію. У 2024 годзе ён актыўна публікаваў Укантакце абвесткі з прапановамі працы. Рэнат шукаў беларусаў і расіян на вахты ў Маскву, Санкт-Пецярбург ды Смаленск, прапануючы вакансіі грузчыкаў, упакоўшчыкаў і рознарабочых.
Падчас пратэстаў яму было 17 гадоў. Тэрмін даўніны па ягонай крымінальнай справе мусіў даўно сысці. Але ёсць нюанс. Згодна з крымінальным кодэксам, тэрмін даўніны прыпыняецца, калі чалавек хаваецца ад сілавікоў. Падобна, што ўвесь гэты час малады жлабінчук быў у вышуку. Урэшце яго затрымалі — магчыма, што ў Расіі, — але абставіны невядомыя. Цяпер імя Пелагейчыка выключанае з расійскай базы вышуку, але раней яно там было.
Суд Жлобінскага раёна прызнаў Пелагейчыка вінаватым паводле часткі 1 артыкула 342 КК — арганізацыя альбо актыўны ўдзел у дзеяннях, якія груба парушаюць грамадскі парадак. Яму прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары