Навукоўцы паказалі ВІДЭА, як васьміног катаецца на самай хуткай у свеце акуле
Даследчыкі з новазеландскага Оклендскага ўніверсітэта сталі сведкамі незвычайнага выпадку, зафіксаванага ў заліве Хаўракі ў паўночнай частцы вострава Паўночны (Новая Зеландыя). Васьміног выкарыстаў акулу-мака ў якасці транспартнага сродку, размясціўшыся на яе галаве.
Відэа было знятае яшчэ ў канцы пазамінулага года, але ютуб-акаўнт універсітэта апублікаваў яго толькі нядаўна.
Як галаваногі малюск апынуўся на галаве самай хуткай з усіх вядомых акул — незразумела.
Спецыялісты выказалі здагадку, што ён такім чынам ратаваўся ад зубоў драпежнай рыбы.
Звычайна васьміногі жывуць у марскіх глыбінях, а акулы-мака, наадварот, трымаюцца бліжэй да паверхні. Таму навукоўцам застаецца толькі здагадвацца, як адбылася гэтая сустрэча.
Убачыўшы, як васьміног сядзіць на галаве акулы, чапляючыся за яе шчупальцамі, даследчыкі адзначылі, што для яго гэта магла быць «пякельная паездка». Мака лічацца самымі хуткімі сярод акул і могуць развіваць хуткасць да 80 км/г.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Не абы што, «Ферары» набыў 😁