Hiermanija rychtujecca aficyjna abvinavacić Rasiju ŭ padrychtoŭcy ataki ŭ Lejpcyhu i ŭvieści «maštabnyja sankcyi»
Fiederalny kancler Hiermanii Frydrych Mierc, pavodle infarmacyi niamieckich i jeŭrapiejskich ŚMI, rychtujecca ŭskłaści na Rasiju adkaznaść za sprobu ataki bieśpiłotnikam u aeraporcie Lejpcyh/Hale i abviaścić pra novyja strohija sankcyi.
Pavodle śviedčańnia troch niamieckich čynoŭnikaŭ, znajomych ź situacyjaj, adpaviednaja zajava moža prahučać u pačatku nastupnaha tydnia. Jana moža być prymierkavanaja da niefarmalnaj sustrečy kiraŭnikoŭ MZS krain ES u Irłandyi.
4 žniŭnia na terytoryi aeraporta Lejpcyh/Hale znajšli bieśpiłotnik z vybuchoŭkaj. Jon znachodziŭsia kala ŭkrainskaha vajskova-transpartnaha samalota, jaki vykarystoŭvajecca dla pieravozki vajskovych hruzaŭ. Śledstva miarkuje, što dron moh pryznačacca dla ataki na samalot.
Paźniej niamieckija śledčyja znajšli jašče adzin bieśpiłotnik kala aeraporta, a na nastupny dzień — kala 50 hramaŭ vybuchovaha rečyva, vierahodna hieksahienu.
Pavodle infarmacyi The Wall Street Journal, amierykanskaja raźviedka ličyć, što Maskva niepasredna źviazanaja ź bieśpiłotnikam, znojdzienym u Lejpcyhu. Rasija svaju datyčnaść admaŭlaje. Pry hetym niamieckija ŭłady pakul nie raskryvajuć, jakija mienavita novyja dokazy mohuć dazvolić aficyjna abvinavacić Rasiju.
Mierc raniej zajaviŭ, što incydent śviedčyć pra vielmi realnyja pahrozy i što arhanizatary hibrydnych atak «zapłaciać» za svaje dziejańni. U Bierlinie padkreślivajuć, što kančatkovaje rašeńnie budzie pryniata paśla zaviaršeńnia acenki vynikaŭ rasśledavańnia.
Čynoŭniki nazyvajuć mahčymy novy kurs Hiermanii Zeitenwende 2.0 — adsyłajučy da pierahladu abaronnaj palityki krainy paśla poŭnamaštabnaha ŭvarvańnia Rasii va Ukrainu ŭ 2022 hodzie. Siarod mahčymych mier nazyvajuć uzmacnieńnie sankcyj suprać Rasii i pavieličeńnie vajskovaj padtrymki Ukrainy.
Na rašeńnie Bierlina taksama moh paŭpłyvać tajnik kala niamieckaj stalicy, dzie znajšli dva paŭaŭtamatyčnyja pistalety i vialikuju kolkaść bojeprypasaŭ. Hienieralnaja prakuratura Hiermanii rasśleduje hetu spravu jak padazreńnie ŭ padrychtoŭcy ciažkaha złačynstva, jakoje pahražaje dziaržavie.
Dron z vybuchoŭkaj znajšli kala ŭkrainskaha hruzavoha samalota ŭ aeraporcie Lejpcyha
U Jeŭrasajuzie padaje padtrymka novych sankcyj suprać Rasii
Rasija ściahvaje vajskovy fłot u Bałtyjskaje mora paśla pahroz Pucina ŭ bok Jeŭropy
Rasijski miljarder, uradženiec Homiela Mielničenka vystupiŭ z prahramnym artykułam z apisańniem mahčymaha novaha paradku ŭ Jeŭropie
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
A pa fakcie biudžety iduć na sacyjalnych tuniejadcaŭ.
Čarhovy šerah zavodaŭ začyniajecca. Bankructvy na maksimumie ŭ 21 stahodździ.