U ZŠA błohier pahładziŭ u nacyjanalnym parku surka i atrymaŭ prablemy
Amierykanskaha błohiera Džareda Šulta aštrafavali na 230 dalaraŭ za toje, što jon dakranuŭsia da surka ŭ nacyjanalnym parku Maŭnt-Rejnir u štacie Vašynhton, paviedamlaje vydańnie SFGATE.
23‑hadovy Šult, jaki žyvie ŭ Techasie i maje kala 171 tysiačy padpisčykaŭ u instahramie, u pačatku žniŭnia padčas pachodu pa papularnym maršrucie Skyline Trail ubačyŭ surka. Žyviolina sama padyšła da błohiera i prycisnułasia da jaho nahi, paśla čaho mužčyna pačuchaŭ jaje pa śpinie. Jahony siabar źniaŭ heta na videa, a paźniej Šult apublikavaŭ rolik u sacsietkach.
Paśla publikacyi častka karystalnikaŭ raskrytykavała błohiera za zanadta blizki kantakt ź dzikaj žyviolinaj. Nieŭzabavie ŭ kamientarach źjaviłasia papiaredžańnie ad čałavieka, jaki pradstaviŭsia supracoŭnikam parku i paviedamiŭ, što z Šultam źviažucca rejndžary.
Na nastupny dzień błohieru patelefanavali z numara štata Vašynhton. Jon nie adkazaŭ na nieznajomy zvanok, paśla čaho rejndžar patelefanavaŭ jahonym baćkam i paviedamiŭ im pra budučy štraf. Paźniej Šult usio ž pahavaryŭ z supracoŭnikam parku i paprasiŭ prabačeńnia.
Za parušeńnie fiederalnych pravił jamu vypisali štraf u 230 dalaraŭ. Prytym spačatku rejndžar kazaŭ, što za takoje parušeńnie moža pahražać štraf da 5 tysiač dalaraŭ i da šaści miesiacaŭ źniavoleńnia.
Praviły nacyjanalnaha parku Maŭnt-Rejnir zabaraniajuć naviedvalnikam karmić i dakranacca da dzikich žyvioł, u tym liku surkoŭ, burundukoŭ i suślikaŭ. Taksama ad žyvioł nieabchodna trymacca na adlehłaści nie mienšaj za 50 jardaŭ — bolš za 45 mietraŭ.
Šult pryznaŭ, što parušyŭ praviły, ale paličyŭ dziejańni rejndžaraŭ adnosna kantaktu ź im i jahonymi baćkami biezadkaznymi. Pry hetym błohier zajaviŭ, što da hetaha prosta nie zadumvaŭsia pra zabaronu, bo bačyŭ inšych ludziej pobač ź dzikimi žyviołami.
Jon taksama pryznaŭsia, što dahetul nie viedaje, adkul supracoŭniki parku atrymali jahony numar telefona i kantakty jahonych baćkoŭ.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary