U Barysavie znajšli kaŭbasu z manietami dla sabak — vałanciory bjuć tryvohu
U Barysavie vyjavili novyja sproby atručvańnia svojskich dy biazdomnych žyvioł. U mikrarajonie pa vulicy Bryloŭskaj miascovyja žychary znajšli kavałki kaŭbasy, načynienyja manietami.
Heta nie pieršy taki vypadak u horadzie. Naprykancy krasavika ŭ susiednim mikrarajonie Ladzišča-2 nieviadomyja raskidvali marmieład z rybałoŭnymi kručkami ŭnutry — tady adzin sabaka zahinuŭ u pakutach, jašče niekalkich ź ciažkaściu vyratavali, piša «Minskaja praŭda».
Siońnia vałanciory znoŭ bjuć tryvohu. Novyja niebiaśpiečnyja znachodki, ale hetym razam — na Bryloŭskaj vulicy.
Vałanciorka Alaksandra, jakaja ratuje biazdomnych žyvioł u Barysavie, paćvierdziła infarmacyju pra novuju znachodku.
— Na hety raz znajšli nie marmieład, a kaŭbasu z manietami ŭnutry. Miesca — Bryloŭskaja. My ŭžo pisali zajavy ŭ milicyju pa fakcie pieršaj chvali atručvańniaŭ, i voś ciapier — paŭtornaja ataka, — raspaviała Alaksandra.
Pra toje, što budzie zaviedziena sprava, Alaksandra zajaŭlała jašče ŭ kancy krasavika paśla pieršaj chvali.
Ale ciapier vałanciory bačać, što złačyniec (toj ža ci niechta inšy) praciahvaje dziejničać.
Pakul vałanciory rychtujuć dakumienty, žycharam Barysava, asabliva ŭ rajonach Ladzišča-2 i Bryloŭskaj, treba być vielmi ŭvažlivymi padčas vyhułu hadavancaŭ.
U milicyi zaklikajuć pry vyjaŭleńni padazronych pradmietaŭ paviedamlać praz telefon 102.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary