Na Hrodzienščynie adkryli novy kulturna-adukacyjny centr «Biełaruski dranik»
Adkryli centr u Voranavie ŭ dzień praviadzieńnia bulba-festa, piša BiełTA.
U niekalkich załach možna daviedacca pra historyju źjaŭleńnia bulby na biełaruskaj ziamli, atrymać infarmacyju pra hatunki, jakija vyroščvajucca ŭ haspadarkach rajona, paznajomicca z mnostvam receptaŭ straŭ ź ciortaj bulby i žycharami Voranaŭščyny, jakija zachavali ŭnikalnyja sposaby pryhatavańnia bulby.
Jość tut i dehustacyjnaja zała, stylizavanaja pad sialanskuju kuchniu. Hałoŭnaja strava na dehustacyjnym stale, znakamityja «nacyjanalnyja dzieruny» — unikalny recept ź vioski Nača. Jany rychtujucca z bulby, zdrobnienaj na bujnaj tarcy, da ich dadajucca biełyja hryby, jajki, śmiatana i trochi muki. Zapiakajucca ŭ piečy ŭ čyhunach u śmietankovym sousie.
Jak raspaviała namieśnica dyrektara abłasnoha mietadyčnaha centra narodnaj tvorčaści Natalla Ramanovič, unikalny recept «nacyjanalnych dzierunoŭ» staŭ składovaj častkaj daśje, jakoje pieradadziena na papiaredni razhlad u kamisiju JUNIESKA dla ŭniasieńnia ŭ śpis Suśvietnaj spadčyny. Tamu Voranaŭski rajon nie vypadkova staŭ stalicaj dranika.
Centr pačnie aktyŭna pracavać z 1 vieraśnia, kali startuje navučalny hod i dzieci pačnuć prychodzić cełymi kłasami.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
PS Draniki na foto (ta blednaja chrień sprava) - połnyj atas, dažie uvažajuŝaja siebia stołovka takoje nie podast