Top-10 samych papularnych piesień u Biełarusi za apošnija hady: u rejtynhu tolki rasijskija vykanaŭcy — Z-niki i «maŭčuny»
Servis «Jandeks Plus» apublikavaŭ śpis samych papularnych trekaŭ siarod biełaruskich karystalnikaŭ. U dziasiatku lidaraŭ uvajšli vyklučna pradstaŭniki rasijskaha šou-biźniesu.
Da svajho siamihodździa ŭ Biełarusi servis «Jandeks Plus» skłaŭ płejlist z kampazicyj, jakija karystalniki krainy słuchali čaściej za ŭsio. U vynikovy śpis nie trapiŭ nivodny biełaruski abo zachodni vykanaŭca:
- «Požary» — XOLIDAYBOY
- «Pojezda» — Ženia Trafimaŭ
- «Po baram» — ANNA ASTI
- «Šiełk» — Vania Dźmitryjenka
- «Carica» — ANNA ASTI
- «Kukła kołduna» — «Korol i Šut»
- «Chudi» — Džyhan
- «Asfalt» — Jakone
- «Samolety» — Ženia Trafimaŭ
- «Rain and Thunder» — White Noise
Častka fihurantaŭ rejtynhu adkryta padtrymlivaje ŭvarvańnie Rasii va Ukrainu. Aŭtar samaha papularnaha treka XOLIDAYBOY (Ivan Minajeŭ) pieršapačatkova nie kamientavaŭ vajnu, adnak paśla skarhaŭ praŭładnych aktyvistaŭ u Rasii, admieny kancertaŭ i atrymańnia pozvy ŭ vajenkamat zapisaŭ videazvarot. U im jon zajaviŭ pra padtrymku Uładzimira Pucina i bajavych dziejańniaŭ. Ženia Trafimaŭ taksama vykazvaŭ padtrymku rasijskamu dziaržaŭnamu kursu ŭ svaich sacyjalnych sietkach. Repier Džyhan (Dzianis Uścimienka), jaki naradziŭsia ŭ Adesie, uviesnu 2024 hoda prademanstravaŭ atrymany rasijski pašpart na vybarach prezidenta Rasii, za što byŭ uniesieny ŭ sankcyjnyja śpisy Ukrainy.
Inšyja vykanaŭcy paźbiahajuć zajaŭ na temu vajennych dziejańniaŭ. Śpiavačka ANNA ASTI (Hanna Dziuba) sustreła pačatak vajny va ŭkrainskich Čarkasach, adnak paźniej viarnułasia ŭ Rasiju, atrymała rasijskaje hramadzianstva i praciahvaje vystupać na dziaržaŭnych telekanałach. Z-za hetaha jana ŭniesiena va ŭkrainskuju bazu «Miratvorac». Vania Dźmitryjenka i repier Jakone taksama ihnarujuć palityčnuju paviestku, praciahvajučy hastrolnuju dziejnaść u Rasii.
Tolki siarod byłych udzielnikaŭ hurta «Korol i Šut» adbyŭsia palityčny raskoł. Kali Andrej Kniazieŭ (KniaZz) paźbiahaje vykazvańniaŭ pra vajnu i praciahvaje vystupać u Rasii z nastalhičnymi prajektami, to emihrant Alaksandr Bałunoŭ (Bału) adkryta asudziŭ ahresiju, za što atrymaŭ u Rasii administracyjnuju spravu za «dyskredytacyju armii».
Dziasiataje miesca ŭ rejtynhu zajmaje nie muzyčny tvor, a trek «Rain and Thunder» ad prajekta White Noise. Heta zapis biełaha šumu z hukami daždžu i navalnicy, jaki vykarystoŭvajecca dla snu i rełaksacyi. Svajho rodu muzyčny eskapizm ad navakolnaha śvietu.
«Naša Niva» — bastyjon biełaruščyny
PADTRYMAĆCiapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary