Mašyna jak u Sinatry i Pikasa. U Minsku zaŭvažyli vielmi redki retra-miersedes na chadu
Niepadalok ad handlovaha centra Minsk City Mall zaŭvažyli retra-aŭtamabil na chadu. Na jaho źviarnuŭ uvahu ŭładalnik akaŭnta nomeroscanby ŭ Threads, zaŭvažyła vydańnie Blizko.by.
Na fatahrafijach zafiksavany kłasičny rodstar Mercedes-Benz 190 SL (W121), jaki vypuskaŭsia niamieckim aŭtavytvorcam z 1955 pa 1963 hod. Heta madel stvarałasia jak bolš dastupnaja i kamfortnaja alternatyva lehiendarnamu supierkaru 300 SL («kryło čajki»).
Aŭtamabilem vałodali mnohija znakamitaści, uklučajučy mastaka Pabła Pikasa, udzielnika hurta The Beatles Rynha Stara i lehiendarnaha śpievaka Frenka Sinatru. Apošni źniaŭsia ź im u filmie «Vyšejšaje hramadstva» z aktrysaj Hrejs Kieli.
Kupić aryhinalny kalekcyjny rodstar Mercedes-Benz 190 SL (W121) u Biełarusi prosta pa abjavie praktyčna niemahčyma praź ichni krajnie redki muziejny status. Košt aŭtamabila składaje ad 90 da 170 tysiač jeŭra ŭ zaležnaści ad stanu. U redkich vypadkach košt kalekcyjnych asobnikaŭ paśla idealnaj restaŭracyi moža dasiahać 200 — 370 tysiač jeŭra i bolš (ad 680 tysiač da 1,275 miljona biełaruskich rubloŭ).
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary