U vydaviectvie Skaryna Press vyjšaŭ z druku kłasičny, šyroka cytavany raman Oskara Uajlda «Partret Doryjana Hreja». Pierakład zrobleny pavodle biezcenzurnaj viersii, jakaja pa-anhielsku była apublikavana tolki ŭ 2011 hodzie. Pierakłaŭ na biełaruskuju Vilz O’Flaerci, piša bellit.info.
«Čym by vy achviaravali dziela viečnaj maładości i pryhažości? Dla Doryjana Hreja, aślaplalna vabnaha maładziona ŭ viktaryjanskim Łondanie, adkaz byŭ prosty — usim. Kali bliskuča razumny łord Hienry Uotan napaŭniaje ŭraźlivy rozum Doryjana spakuślivaj fiłasofijaj, toj vykazvaje losavyznačalnaje žadańnie, sakret jakoha zachavaje partret», — havorycca ŭ anatacyi da knihi na sajcie vydaviectva.
Upieršyniu apublikavany ŭ 1890 hodzie, tvor vyklikaŭ skandał: u kožnym radku prystojnaje hramadstva paznavała siabie. Adziny raman Oskara Uajlda zastajecca adnoj z samych jarkich pierłaŭ anhłamoŭnaj litaratury. Hotyka, sacyjalnaja satyra i fiłasofskaja prytča daścipna źlilisia ŭ adno. Z chirurhičnaj dakładnaściu i zaraznaj viesiałościu Oskar Uajld vykryvaje kryvadušnaść i zapytvaje čytača: dziela čaho ty žyvieš?
Pad zichatlivaj pavierchniaj tekstu ciače dalikatnaja kvir-płynia: zachapleńnie mastaka Beziła Chołvarda Doryjanam, nabrynianaja niedaskazanaściu blizkaść pamiž piersanažami i tajamničaje žyćcio hałoŭnaha hieroja ahučvajuć nievymoŭnyja ŭ purytanskim hramadstvie žadańni. Raman byŭ vykarystany ŭ sudzie jak dokaz złačynnaj razbeščanaści aŭtara. Dla jaho ž tvor staŭ zašyfravanym aŭtapartretam mastaka, jaki razumieje košt pryhožaha i niebiaśpieku tajemnaha.
Zamović navinku možna praz sajt vydaviectva Skaryna Press.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?14
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
Zamiest hetaha nacyjanalnaja intelihiencyja pisała vieršy pra Stalina, durnych mužykoŭ i karoŭi lapioški.