Ksienija Ułasiuk, jakuju ŭ 2023 hodzie na hałoŭnym konkursie krainy nazvali adnoj z samych pryhožych dziaŭčat Biełarusi, pachvaliłasia ŭ instahramie fotazdymkami viasiella.
U 2023 hodzie Ksienii było ŭsiaho 19 hadoŭ, jana vučyłasia ŭ Bresckim dziaržaŭnym techničnym univiersitecie. Płanavała atrymać dypłom u śfiery ekanomiki i kiraŭnictva na pradpryjemstvie. Ale ŭžo tady nazyvała siabie prafiesijnaj madellu.
U finale «Mis Biełaruś», za jakim pa tradycyi z zali naziraŭ Łukašenka, dziaŭčyna atrymała tytuł pieršaj vice-mis.
Paśla konkursu Ksienija praciahnuła svaju madelnuju dziejnaść. Letaś skončyła VNU, ale pracavać pa śpiecyjalnaści pradkazalna nie pajšła. Pryznajecca, što bolš cikavić nie ekanomika, a tvorčaść.
Tamu pracuje jak UGC-kreatarka i vizažystka, a taksama vykładaje defile dla dziaciej.
Niadaŭna Ksienija padzialiłasia ŭ instahramie fota i videa sa svajho viasiella.
Abrańnikam 22‑hadovaj pryhažuni staŭ 24‑hadovy Daniła Maroz z Bresta — u svaim instahramie chłopiec nazyvaje siabie atletam.
Raniej Ksienija raspaviadała, što paznajomiłasia z kachanym ažno vosiem hadoŭ tamu.
Sioleta para nabyła kvateru i pačała tam ramont. A ciapier voś i pryhožaje viasielle zładzili. Heta była vielmi instahramnaja vyjaznaja cyrymonija ŭ ahrasiadzibie «Pryłukamorje» la Bresta.
Niaviesta abrała niebanalnuju dyzajnierskuju sukienku.
Začytvajučy klatvy ŭ kachańni la śviatočnaj arki, maładyja ludzi nie mahli strymać śloz. A śpiavaŭ dla ich u hety asablivy dzień finalist šou «Faktar.baj» Illa Šaršun.
Dziaŭčyna z «kavunovaha bataljona» Łukašenki atrymała ŭ Rymie prapanovu ruki i serca. Chto ž žanich?
Pobač z Łukašenkam na chakiei źjaviłasia novaja pryhažunia
Pryhažuni ŭ instahramie vychvalajucca darahimi sukienkami, jakija im padaryŭ Łukašenka
Byłaja favarytka Łukašenki Maryja Vasilevič naradziła dzicia
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?14
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
aŭtar i redaktar vidavočna nie razumiejuć sensu słoŭ.
"vice-mis" (jak by pa duracku heta ni hučała) samo pa sabie užo aznačaje, što nie pieršaja.