تغيّر الإيقاع

من يوم دخل شهر يونيو، بالنسبة لي أمور وايد تغيرت

خاصة على ثاني أسبوع من يونيو

لاحظت إن الجو تغير، وزادت الحرارة، وروتيني أيضًا تغير

أنا كان عندي روتين معين، لكن هذا الشهر تطلب مني أخذ بنتي من الحضانة أو الروضة لكن الأطفال يخلصون الظهر

وهذا أحرّ وقت في اليوم، مثل ما تعرفين.

المساء دائمًا ألطف و هذا يبدأ بعد صلاة العصر خصوصاً بعد صلاة العشاء أكثر

لاحظت هذا الشيء في رمضان، خصوصًا في السنوات اللي كان فيها رمضان بالصيف.

بعد صلاة العشاء نقدر نسوي activities، نقدر نمشي، و نكون outdoor

لما دخل الحر احترت…

أعرف إن الصيف يجينا كل سنة

لكن كل سنة أتفاجأ

وهذا الشيء يضحكني

لاحظت شيء ثاني في نفسي.

الـ white space أو المساحة البيضاء عندي تعتمد على الموقف، وعلى الجو، وعلى المكان اللي أنا فيه.

حاليًا؟

أكثر مكان ألقى فيه المساحة البيضاء هو الكوفي شوب

ومع الحرارة، لاحظت إني أحتاج سناك أيضاً

فصار الـ white space عندي شيء حالي مع قهوة

وأحس إن الأمور تمام إذا تعاملت مع القهوة ك وجبة بدل ما يكون مجرد سناك

وأأخر الغداء شوي

ويصير كأنه عشاء

ومن الأشياء اللي تغيرت أيضًا مع الحرارة: التمارين الرياضية

صارت أقرب لليوغا من إنها تكون workout يرفع حرارة الجسم

لأن الجو أصلًا حار…

وإذا في شيء أبيك تلاحظينه في نفسك، فهو هذا:

إحنا مو مثل الروبوت

ولا عيالنا مثل الروبوت

ولا المدرسين

ولا الـ staff

ولا أحد يقدر يكون على نفس النسق طول السنة

وخاصة المرأة

هي أصلًا تمر في حلقات شهرية

فإذا ما تعرفين cycle syncing يمكن يكون شيء مفيد لك تتعرفين عليه.

ولاحظت هذا الشيء بشكل كبير مع النساء.

أحيانًا تكون هرموناتها متلخبطة.

فتكون سعة صدرها أقل

سواء كانت زميلة، أو أخت، أو صديقة، أو امرأة شفتيها في النادي

ما في أحد قاعد يضبط جهازه العصبي.

ليش؟

ليش وصلنا 2026، ولليوم كلمة:

“مادري شفيي” شي عادي عند المرأة

بالنسبة لي صارت غير مقبولة

فإذا كنتِ هالشخص اللي يقول:

“والله مادري شفيني”

يمكن تحتاجين جلسة صفاء

يمكن تحتاجين توقفين وتقولين:

خلني آخذ action

مو معقولة 2026، وكمية المعلومات الهائلة الموجودة، والخيارات الموجودة و الوضع لخبطة…

لكن بنفس الوقت، أدري إن شيء ثاني صعب:

إنك تحصلين على المصداقية في الخطة و المعلومات

أبيك تعرفين إن أي جلسة تاخذينها معاي تكون خاصة و فيها سرية تامة

فإذا لاحظتي هذا الشهر ثقل أكثر من المعتاد، اعرفي إن الجو تغير، وأنتِ قاعدة تحاولين تواكبين موسم مختلف.

• فإذا كنتِ أم، عيالك بيكونون في البيت.

• وإذا كنتِ طالبة، فأنتِ قاعدة تجهزين حق مرحلة مختلفة.

• أو إذا كنتِ موظفة، أو صاحبة عمل، أو مسؤولة عن أكثر من شخص…

• فأكيد في شيء تغير في إيقاع يومك.

والشيء المهم اللي أبيك تتذكرينه:

ترى البيئة تغيرت.

وأنتِ تحاولين تواكبينها.

فإذا حسّيتي إنك تعبانه أكثر من المعتاد، أو إن أعصابك أقصر من المعتاد، أو إنك مو قادرة تعطين مثل قبل…

يمكن جسمك يحاول يتأقلم.

ويمكن جهازك العصبي يطلب منك شيء مختلف

ويمكن كل اللي تحتاجينه اليوم هي مساحة بيضاء أكثر…

من زاويتي اللي أكتب فيها،

إلى زاويتك اللي تقرئين منها…

ألقاك الأسبوع القادم بإذن الله.

شنو أكثر شيء لامسك في هذه الرسالة؟

خبريني… أبي أسمع منك.

رسالة أخيرة:

عندي مقعدين لل١:١ الأسبوع القادم.

إذا تحسين إنك تحتاجين مساحة تمسكك بهدوء وتساعدك تفكين التشابك الداخلي و تبين توقفين الدوامة، إحجزي مقعدك الآن

إحجزي مقعدك