ধুবুৰীত গঢ়ি উঠিছে চোৰাং গৰুৰ ৰমৰমীয়া বেহা

New Update

ডিজিটেল সংবাদ, ধুবুৰী : শেহতীয়াকৈ বিটিচি চৰকাৰে বিটিচিৰ বিভিন্ন এলেকাত গো বজাৰ মুকলি কৰিছে। ইয়াৰ পাছতে কোকৰাঝাৰ জিলাৰ পৰ্বতঝোৰাৰ  মাজেৰে ধুবুৰীৰ গৌৰীপুৰৰ নদী পথৰে একাংশ গৰু বেপাৰীয়ে চুবুৰীয়া ৰাষ্ট্ৰ বাংলাদেশলৈ অবৈধভাৱে গো-ধন সৰবৰাহ কৰি থকাৰ খবৰ পোহৰলৈ আহিছে।

কেৱল ইমানেই নহয়, গো-ধন সৰবৰাহ কৰি থাকোতে দেওবাৰে পুৱতি নিশা আঠানি আৰক্ষীয়ে এক গোপন খবৰৰ ভিক্তিত অভিযান চলাই জহৰমুৰা আৰু আমবাৰী অঞ্চলত অভিযান চলাই ৯ টা চোৰাং গৰুসহ ৩ জন সৰবৰাহকাৰীক আটক কৰিবলৈ সক্ষম হয়। ধৃত সৰবৰাহকাৰী ৩জন ক্ৰমে ৰহিজ উদ্দীন, ৰূপচান আলী আৰু আজগৰ আলী। আঠানি আৰক্ষীয়ে অধিক তথ্যৰ বাবে সৰবৰাহকাৰী তিনিজনক জেৰা অব্যাহত ৰাখিছে বুলি জানিব পৰা গৈছে।