Ëse uman
ZE |
Sta pàgina a l'é scrîta in zenéize |
L'ëse uman, inta clascificaçion tascionòmega Homo sapiens sapiens, o l'é un primate bipede (con doî pê) e un mammifeo plaçentòu da famiggia di ominidi.
I umen g'han un çervello ben ben strutturòu e sviluppòu, in proporçion a-e dimenscioin de l'individuo, e capaçe de un pensceo sviluppòu sotto forma de creativitæ, raxonamento astræto, lenguaggio e introspeçion. Sta capaçitæ mentale, combinâ co-a staçion eretta ch'a rende liberi i arti supeioî (arestæ prenscili pe l'origine arboricola comunn-a a tûtto l'ordine), a l'ha consentio de manipolâ di oggetti e a l'ha permisso de creâ 'na gran varietæ de utenscili e manufæti pe amegioâ o so adattamento a l'ambiente, a sopravvivensa, e l'esprescion creativa.
A speçie umann-a a l'é originâ in Africa çirca 200 mia anni fa. Da alloa a s'è diffûsa inte tûtto o mondo, con unn-a popolaçion totale de ciù de 8 miliardi de personn-e. L'ëse uman o l'é l'unica speçie animâle bonn-a a organizâse inte de forme complesse de soçietæ, pe mezo de quæ a trasmette into tempo o patrimonio da coltua.
Atri progètti
[modìfica | modìfica wikitèsto]
Wikimedia Commons a contêgne di files in sce ëse uman
Wikispecies a contêgne informaçioìn in sce ëse uman
| Contròllo de outoritæ | GND (DE) 4038639-9 · BNF (FR) cb11934882t (data) |
|---|