Teoremo di quar kolori
(Ridirektita de Problemo di la quar kolori)
En matematiko, la teoremo di quar kolori konstatas ke quar kolori suficas por kolorizar la regioni di irga mapo, tale ke irga du adjacanta regioni ne havas la sama koloro.
La konjekturo esis unesmafoye propozata en 1852 da la matematikisto Francis Guthrie, e pose dum la 19ma yarcento esis plura nesucesoza esforci solvar la teoremo. De la 1960-yardeko, la Germana matematikisto Heinrich Heesch exploris metodo por solvar la teoremo kun helpo di komputeri, ed altra matematikisti pose probis sama metodo. To eventuale duktis a la anunco ye 21 di junio 1976 da Kenneth Appel e Wolfgang Haken, matematikisti di la Universitato di Illinois, Usa, ke li solvis la teoremo di quar kolori.