كل يوم اقول ببدأ… ولا ابدأ

افتح الجوال دقيقة… تصير ساعة.

اقول بشتغل شوي…فجأه اليوم خلص.

وارجع لنفس الجملة:

خلاص ببدا بكرة

هذا مو كسل هذا شيء ثاني

التسويف مو كسل.

في علم النفس، هو طريقة للهروب من شيء مزعج مو من المهمة نفسها.

وفيه دراسة من احد الجامعات وجدت أن الناس اصلا يسوّفون عشان يحسّون براحة مؤقته… مو لأنهم مايهتمون

بمعنى:

أنت ماتهرب من الشغل أنت تهرب من الإحساس اللي يجي معه.

ليه مخك يسوي كذا؟

لانه في صراع داخلي:

جزء يفكر بالمستقبل(أهدافك)

وجزء يبغى الراحه الآن

ومعروف دائماً يفوز الآن

طيب ليش ياعبدالله تقول كذا؟

انا اعلمك لان دماغ الانسان يعتمد على المكافآت السريعة (dopamine)

الدوبامين بإختصار هو ماده كيميائيه في مخ الانسان مسؤوله عن الشعور بالمكأفاه والتحفيز

ببساطه هو الشيء اللي يخليك تحس بمتعة او حماس لما تسوي شيء

الجوال=مكافأه فوريه

التأجيل=راحة فوريه

الإنجاز=مكافأه متأخره

فطبيعي تميل للاسهل

بكرة بسويها(الخدعه)

في مفهوم اسمه “Future self bias”

يعني تتوقع نفسك بالمستقبل تكون اذكى، اهدى،واكثر التزاماً.

لكن الدراسات تقول

غالبآ انت في المستقبل نفسك انت الآن بنفس العادات.

المشكله الحقيقية هنا

انت ماتحتاج وقت افضل انت بس تحتاج بداية.

لأن الكمال يخلي عقلك يضخم المهمة فتصير ثقيله وتأجلها.

الحل بسيط

فيه قاعدة بسيطة مستخدمة في علم السلوك

ابدأ صغير عشان تستمر

وهنا تجي قاعدة الـ5 دقايق

قول لنفسك

“بس خمس دقايق”

فية دراسة بجامعة ستانفورد تشير على ان تقليل صعوبه البداية يزيد احتمال الاستمرار بشكل كبير

ليش؟

لأنك كسرت مقاومة البداية وغالبا بتكمل بدون ماتحس.

كل مره تسّوف انت تعزز عادة التأجيل في مخك.

وكل مرة تبدأ انت تعيد بناء نفسك.

علميًا هذا يسمى مرونه الدماغ (Neuroplasticity).

يعني عقلك يتغير حسب أفعالك.

بالنهاية ماتحتاج تكون جاهز ولاتحتاج مزاج مثالي

ابدا غصب وكل شي ثاني بيجي بعده.