تأثير الاغاني على عقل الانسان

الأغاني صارت جزء من يومنا بشكل كبير وكثير من الناس ما يقدرون يعيشون بدونها سواء في السيارة أو وقت الدراسة أو حتى قبل النوم.

لكن السؤال الحقيقي هنا هل تأثيرها علينا دائمًا كويس؟ أو ممكن يكون لها جانب سلبي؟

علميًا لما تسمع أغنية تحبها الدماغ يفرز مادة اسمها الدوبامين Dopamine

وهي المسؤولة عن الشعور بالسعادة والمكافأة عشان كذا تحس بنوع من المتعة أو الارتياح لكن المشكلة إن نفس هذا الشيء ممكن يخليك “تتعود” على الأغاني وتحتاج تسمع أكثر عشان تحس بنفس الشعور.

ومن ناحية ثانية الأغاني تأثر على المزاج بشكل واضح على سبيل المثال

الأغاني الحماسية ترفع طاقتك

الأغاني الهادية تهديك وتعطيك شعور بالهدوء والراحة

لكن مو دايم يكون التأثير ايجابي أحياناً اذا كنت زعلان وتسمع اغاني حزينة ممكن تدخل بالجو اكثر بدل من انه تتحسن حالتك

وفيه نقطة كثير ناس ما ينتبهون لها وهي الكلمات، العقل يتأثر بالكلام حتى لو ما كنت مركز بعض الدراسات في (Neuroscience )

تشير إن التكرار يخلي الأفكار تثبت في العقل وهذا يعني إن الأغاني اللي فيها محتوى سلبي ممكن تأثر على طريقة تفكيرك مع الوقت بدون ما تحس.

وبرضو الأغاني ممكن تأثر على التركيز في مهام بسيطة ممكن تساعدك لكن في أشياء تحتاج تفكير عميق وجود موسيقى خصوصًا لو فيها كلمات يشتت الانتباه ويقلل الأداء.