E Freideg um 17 Auer gouf d'Band duerchgeschnidden an domadder d'Fouer offiziell opgemaach. © Ketty a Rom Hankes
E Freideg um 17 Auer gouf d'Band duerchgeschnidden an domadder d'Fouer offiziell opgemaach. © Ketty a Rom Hankes
E Freideg um 17 Auer gouf d'Band duerchgeschnidden an domadder d'Fouer offiziell opgemaach. © Ketty a Rom Hankes
E Freideg um 17 Auer gouf d'Band duerchgeschnidden an domadder d'Fouer offiziell opgemaach. © Ketty a Rom Hankes
The photos published on this site are subject to copyright and may not be copied, modified, or sold without the prior permission of the owner of the site in question.
Ouverture vun der Fouer
E Freideg verwandelt de Glacis sech nees an dat gréisst Volleksfest am Grand-Duché. D'Editioun 2026 geet vum 21. August bis den 9. September.
Vun 11 Auer u gouf e Freideg schonn Apero op der Fouer zerwéiert an um 12 Auer hunn d'Iess- a Verkafsstänn souwéi d'Spiller opgemaach, éier dat grousst Band um 17 Auer duerchgeschnidde gouf an d'Fouer offiziell seng Dieren opgemaach huet.
214 Etablissementer sinn dëst Joer dobäi. D'Stad Lëtzebuerg huet virun dräi Wochen eng Partie Nouveautéite presentéiert. Véier nei Attraktiounen, een neien Iessstand an dräi nei Verkafsstänn. Ganz nei ass zum Beispill eng Achterbunn, déi mat Hëllef vu virtueller Realitéit funktionéiert, mam Numm "DR ARCHIBALD - MASTER OF TIME".
Nei Attraktiounen an Iess- a Verkafsstänn: D'Fouer ass offiziell op
E Freideg verwandelt de Glacis sech nees an dat gréisst Volleksfest am Grand-Duché. D'Editioun 2026 geet vum 21. August bis den 9. September.
Nei sinn och d'Attraktioune "King Loop" a "Skater". D'Frënn vu méi traditionellen Achterbunnen dierfe sech iwwer de Retour vun der klassescher "Wilde Maus" freeën, wéi et se fir d'lescht virun iwwer zéng Joer op der Fouer gouf. Wat d'Sécherheet ugeet, esou gëtt et keng Ännerunge par rapport zu de leschte Joren. Kontrollen an den Entréeën, wéi et se bei aner Festivitéite gëtt, wieren net virgesinn.
Wie Sue wëll spueren, sollt sech nach follgend Datumer am Kalenner markéieren. De 26. August ass Familljendag mat reduzéierte Präisser op de Spiller, den 2. September ass ee weidere Familljendag, dës Kéier mat Remisen um Iessen, a wéi gewinnt ginn et och um leschte Fouerdag den 9. September speziell Tariffer.
Nees mat dobäi sinn:
- THRILLER
- TECHNO POWER
- ROTOR
- FLIPPER
- JULES VERNE TOWER
- STARLIGHT
- CIRCUS CIRCUS
- HAPPY SAILOR
Bei den Iessstänn ass nei:
- PAELLA BY KINGKONG
Bei de Verkafsstänn sinn nei:
- HARIBO
- HANDYPARADIES
- HELIUMBALLONS
E puer wichteg Rendez-vousen erausgepickt:
25. August: Buergermeeschterdag
26. August: Familljendag mat reduzéierte Präisser op de Spiller
27. August: Kinniginnen-Dag
30. August: Fouersonndeg
2. September: Familljendag mat Remisen um Iessen
3. September: Biergerdag
7. September: Braderie
9. September: Leschten Dag a Freedefeier um 22 Auer
Comments
Nothing yet. Say the first thing.
Sign in to join the conversation.