Turissem en Svizra: dal pajais da transit al lieu da brama
L'istorgia dal turissem svizzer raquinta da romantica alpina, palazs d'hotels luxurius, pendicularas spectacularas e las sfidas dal turissem da massa en in mund che sa mida.
Café federal
Il podcast politic. In sguard davant e davos las culissas da la politica naziunala.
Subscribe:.rss.atom.json.md.m3u.pls
Live Last read · last published · next check
Latest episodes
Saves to your Listen queue, to pick up on another day or another device.
Café federal 55: RADIO-activ
Questa episoda dal Café federal dat in sguard sin l'energia atomara. Tranter auter in sguard en l'istorgia.
Café federal 54: Statistica rumantscha
As ti savì che mintga segunda persuna che viva en il territori rumantsch abita persula? U has ti savì ch'i dat en Rumantschia dapli umens che dunnas? L’emissiun dal Café federal sfundra en la statistica rumantscha.
Café federal 53: «Neutral sco la Svizra»
Per la pli nova episoda dal Café federal è RTR sa fatschentà cun la neutralitad. Cun la guerra en l'Ucraina e la guerra en Iran èn las discussiuns enturn la rolla da la Svizra grondas. Quai sa mussa era tar in’iniziativa ch'è actualmain vegnida tractada en il parlament.
Café federal 52: La Svizra e l’OSCE
Avais vus savì che pir cun l'OSCE han ils ministers da l'exteriur svizzers propi cumenzà a far viadis ordaifer la Svizra? En questa episoda prendain sut la marella l'Organisaziun per segirezza e collavuraziun in Europa, che la Svizra presidiescha quest onn. Ina onur, ma er ina sfida che mainia gronda responsibilitad, di il cusseglier federal Ignazio Cassis.
Café federal 51: «Quai è diplomazia»
Tenor il president american fiss la Svizra betg la Svizra senza l’America. En in pled al WEF ha Donald Trump fatg renfatschas envers la Svizra. Gist suenter è'l s'inscuntrà cun il Cussegl federal. Quel ha fatg sco sche nagut na fiss. È quai la gista strategia U sto la Svizra chattar novs alliads?
Café federal 50: United States of Switzerland
Da puncts culminants e terradas: Las cusseglieras ed ils cussegliers naziunals dal Grischun guardan enavos sin l'onn 2025 ensemen cun noss dus correspundents a Berna, Adrian Camartin e Fabia Caduff.
Café federal 49 : Stefan Engler for president
El na vul betg esser il clown e la cardientscha è per el in impurtant compass. L’entschatta da december daventa il Grischun Stefan Engler da la partida «Il Center» president dal Cussegl dals chantuns. En il Café federal tradescha il politicher da 65 onns pertge ch’el na respunda nagins telefons la fin d’emna e daco ch’el n’è betg in tschitschacameras.
Episoda 48: Café federal live – Mez mez
Temp per far bilantscha. Avant dus onns ha cumenzà la nova legislatura a Berna. Nus guardain tgi da las parlamentarias e parlamentaris grischunas ch’era il pli «husli» e nus dain in sguard en las autras regiuns da la Svizra per guardar tge che ha preoccupà en quels dus onns.
Episoda 47: Babilonia federala
Co statti cun il français federal? Daventa il foss da rösti pli grond? Quant pluriling è il parlament? Daco è la lingua in factur per accelerar ina carriera politica? Remplazza l'englais las linguas naziunalas? Quant ferm è la plurilinguitad en Svizra sut squitsch? En questa epsioda dal Café federal discutain precis questas dumondas.